韓國KOL洪瑛琦赴港旅遊疑被的士司機找「假幣」
https://s.yimg.com/ny/api/res/1.2/KIdb8gJ9BLiP2Dpg4yEHzA--/YXBwaWQ9aGlnaGxhbmRlcjt3PTk2MDtoPTUyMztjZj13ZWJw/https://s.yimg.com/os/creatr-uploaded-images/2023-04/8f277000-da87-11ed-9caf-b9a06c304bc4韓國知名KOL洪瑛琦日前到香港旅遊，仲上載咗唔少靚相同網民分享，不過最近佢喺IG限時動態與粉絲互動，期間被問到「喺香港背呢種迷你包也很安全嗎？」，佢就提到自己喺香港被騙嘅經過，之後相關嘅報導仲登上韓國網絡熱搜排行榜第三位。洪瑛琦喺回覆該粉絲時，佢就話香港完全係安全，不過喺坐的士嘅時候被司機用假幣找續，雖然金額唔大，不過已經令佢留下一個相當差嘅印象。洪瑛琦疑似被騙事件喺韓國被傳媒廣泛報導，更加有媒體指「這是當地的士司機對外國人常見的詐騙手法。」，而相關嘅報導仲登上韓國網絡熱搜排行榜第三位，不過由於韓國網站一早移除娛樂版新聞留言功能嘅關係，所以韓國網民只可以留Emoji，唔少韓國網民都選擇「無語」Emoji。相關嘅新聞仲已經係香港嘅討論區傳開，不過網民就普遍企喺的士司機嗰邊，原因係假幣嘅成本同風險太高，如果真係要呃遊客嘅話，不如撳多兩下附加費，又或者兜遠路，咁樣仲簡單直接。另外，亦有網民認為佢有機會製造假新聞，因為喺呢個「有圖有真相」嘅年代，佢連一張「假幣」嘅相片都冇，可信性存疑。韓國知名KOL洪瑛琦只有148cm嬌小身形，不過一張童顏臉蛋及豐滿嘅身材，睇落一啲都唔似已經30歲。洪瑛琦喺2009年憑綜藝節目《臉讚時代》爆紅，2019年創立美妝品牌，而佢嘅IG追蹤人數更多達110萬，同時佢亦有經營YouTube頻道，喺韓國知名道甚高。至於感情方面，洪瑛琦喺20歲時與同為KOL細三歲嘅李世龍拍拖，不過冇幾耐就發現自己懷孕，而李世龍當時仲係一名中學生。二人喺2014年結婚時不被看好，至今已經育有兩子，一家幸福美滿。
https://s.yimg.com/ny/api/res/1.2/0OzSL4p_qgQUzeMVs0JgWA--/YXBwaWQ9aGlnaGxhbmRlcjt3PTk2MDtjZj13ZWJw/https://s.yimg.com/os/creatr-uploaded-images/2023-04/f7c30ec0-da83-11ed-abfb-536cc2e5afa7
頁:
[1]