婆婆問霆鋒：你結婚了嗎？

向來都對感情事十分低調嘅謝霆鋒，喺最新一集《鋒味》，同宋茜一齊去到捷克一個婆婆嘅屋企進行美食交流，呢位婆婆當年因為愛上捷克男，於是由北京嫁到移居當地，霆鋒同宋茜為婆婆下廚煮出家鄉味，令婆婆十分滿意。席期，婆婆突然問霆鋒：「你結婚了嗎？」佢即時倒抽一口涼氣，表示仲未結，婆婆再問多次，霆鋒仍然係話未，但身邊嘅工作人員就係咁偷笑。

婆婆深信霆鋒未婚，就話：「那就好」霆鋒係咁點頭表示認同，婆婆隨後叮囑在場嘅所有人，要好好保護自己嘅老婆或者老公，並概嘆到老時只有一個人是孤獨的「只有你們的老伴，才能讓你們心裡頭安靜，真的」霆鋒聽完婆婆一番話之後，突然有感而發表示。「她忠告我們一定要珍惜我們身邊的人，能夠珍惜的時候就珍惜，但是要放的時候，也真的得放。」

到底霆鋒口中嘅「珍惜」同「放」可以套用喺邊兩個人身上呢？都唔需要多講啦。

nayan 于 2018-12-24 10:55:40 時發表在娛楽新闻