為什麼貓奴多數討厭狗？
狗、貓無疑係最多人鍾意養嘅寵物，如果講數量，狗似乎比較多，但無疑養貓嘅人數都已經升緊，好多人會話養貓因為唔使帶狗出街，貓貓亦比較獨立。但原來喺外國論壇發現另一樣話題，就係話「喜歡狗嘅，通常唔會討厭貓；但喜歡貓嘅，通常會討厭狗」。究竟係咪即係話鍾意狗嘅人博愛啲呢？非也非也，無咁簡單，網民歸納到原因，大家睇下又正唔正確。自我感覺良好
網民話喜歡貓嘅人，會覺得貓係孤高不群，自然有一種脫俗嘅感覺，亦會將自己代為，不與世俗為伍，寧願孤獨但寧靜；相反狗狗係代表服從、聽話，無獨立思想，自然就會有種睇唔起狗狗嘅潛意識。
狗比較「污糟」
我知所有狗主一定會群起而攻之，但細心諗下，好多狗狗嘅屋企，一入屋已經會有一陣「狗味」，呢種唔一定係臭味，但都算係狗嘅一種體味；如果好怕污糟嘅朋友，就會接受愛清潔嘅貓貓喇。
狗太熱情
喜歡貓嘅人，可能同貓一樣，就係唔鍾意被打擾；但養過狗都知，狗係極度痴人，有時甚至係過份熱情，嚇怕人；所以鍾意貓嘅人會覺得被打擾，無時無刻都要招呼狗狗，甚為麻煩。
頁:
[1]