單日逾5.5萬宗確診117人死
疫情高峰未見頂！衞生署衞生防護中心昨公布，本港新增55,353宗確診個案，再創單日確診新高，數字不包括在家自行做快速測試而未上報的病人。死亡數字亦一直上升，昨日多117人離世，其中110人是長者。有醫護人員哭訴，因醫療壓力爆煲，床位有限、人手不足，醫院已進入「放棄」部份病人階段，「逼我哋放棄老人家！」在公立醫院工作6年的護士張小姐（化名）表示，現時急症室面對前所未有的壓力，「3個護士做300個病人！」她指現時醫院的實況就是病人逼滿，「所有開得嘅地方都開哂擺病床，有啲（病人）甚至無病床，只可以瞓擔架，我哋要跑嚟跑去搵個位畀佢瞓地」。她形容部份入院的長者如同「等死」，醫院因醫療系統爆煲只能作出選擇，優先處理部份病人，意味某些病人會得不到最適當的照顧，「講就話重症嘅優先，其實仲要分年紀，後生啲嘅優先」。她指部分長者被送到入院時情況已很差，「有院舍入嚟嗰啲（病人）一開始已經好差，冇辦法，有啲喺分流區等咗好耐，迷迷糊糊，唔識講嘢，醫生一定係唔揀佢哋畀藥」，到最後醫護人員只能眼看這些長者在急症室大堂離世，擺放遺體在急症室一角，「有時未搵到位擺（遺體）已經有兩個病人又推入嚟（急症室）」。近日多名病人在她面前離世，張小姐指「返緊更嗰陣冇乜感覺，太忙冇時間畀你諗，但係唔會唔記得個畫面，一放工就想喊」。以電話受訪的張小姐不禁哭泣，「做得呢行預咗見到人死，無錯，但係唔係咁樣，唔人道咁死⋯⋯我哋職責係救人，點解逼我哋放棄病人？有時唔敢相信我真係返緊工，以為發夢去咗第三世界⋯⋯」
https://s.yimg.com/ny/api/res/1.2/twmG3HlG1Pfh.qgi.5vb_w--/YXBwaWQ9aGlnaGxhbmRlcjt3PTk2MDtjZj13ZWJw/https://s.yimg.com/os/creatr-uploaded-images/2022-03/e5a26390-9a87-11ec-b29a-d3dcc3e32c6a
頁:
[1]