吳啟華自爆分居4年
【太陽報專訊】近日與太太石洋子傳婚變的吳啟華，昨日自爆雙方已分居三至四年！二人雖因文化差異造成溝通問題，但啟華仍愛妻心切，為對方平反不實報道，支持她復出拍戲！現年50歲的吳啟華近日被指與29歲的太太石洋子婚變，他日前透過微博承認夫妻間的確存在問題，正努力解決中。言猶在耳，啟華日前更和太太及女兒到馬來西亞雲頂度假，一家三口共敍天倫，於昨晚返港。https://s.yimg.com/bt/api/res/1.2/romM66D4ZshXd5jqbXmpaA--/YXBwaWQ9eW5ld3M7aD00NzQ7cT03NTt3PTM2MA--/http://media.zenfs.com/zh_Hant_hk/News/TheSun/1029-00470-041b1.jpg啟華昨晚接受本報電話訪問，承認透過旅行來跟太太有深層溝通外，更自爆其實已跟太太分居：「我同太太已經分居咗三、四年，大家分開住，而個女出世到依家都係一直由外母照顧，其實呢幾年我哋都有努力解決問題，仲會一齊去旅行度假。」至於夫妻間出現甚麼問題？他說：「主要係文化差異，大家溝通唔到、傾唔到偈，呢兩年大家都努力中，但唔係一時三刻可以解決到！大家出現問題，唔可以只怪晒一方。（去完旅行關係好咗？）呢幾年大家都好努力、有去旅行！」他坦言對近日有報道指太太常和異性互動感到不公平：「佢同啲男仔相，都係喺佢微博攞出嚟，其中一個更加係我哋結婚時嘅伴郎！我唔想大家攻擊我太太！」他又表示女兒現就讀小學，並想接她來港讀書。
石洋子計劃復出
另外，石洋子前晚在微博首度就婚變傳聞開腔：「婚前啟華與我商議，希望我不要再拍戲，安心做好全職太太，做好家裏的後勤保障……相愛容易相守難，我希望能守護這份最初的愛。」又表示想復出，是因為女兒問她為何常在家，她又不想全依賴啟華。希望可以有一份養得起自己和女兒及家庭的收入。而啟華對此說：「佢咁做係無可厚非，佢咁後生就同我結婚生女，工作可以成為佢嘅寄託！」而本報昨晚致電石洋子，她說：「不好意思！我要登機了！」隨即掛線，據知她和啟華及女兒返港後，自己隨即轉飛北京。
頁:
[1]