《相逢何必曾相識》
真情剖白 翻唱《愛是永恆》點擊率逾47萬 蔣志光：冇放棄過作歌一套《老表，你好hea!》令唱得之人蔣志光人氣飆升，劇中他獻唱張學友的《愛是永恆》，結果一鳴驚人，YouTube點擊率至昨晚已超過47萬，有網民激讚《相逢何必曾燒衣》勁搞笑，並要求他復出歌壇，蔣志光接受本報專訪說：「其實我一直都未離開過歌壇，都冇放棄過作歌。」仲話自己鍾意玩後生仔音樂，商業歌唔係佢杯茶。
入行近30年的蔣志光，憑劇集《老表，你好hea!》中出色的歌喉同演技，與老拍檔韋綺姍合唱一曲《相逢何必曾相識》，贏得一致好評，令人聽出耳油，其中一幕蔣志光在靈堂內唱出惡搞版《相逢何必曾燒衣》，創意十足，笑到反肚，令蔣志光人氣飆升，亦有網民紛紛要求他復出歌壇。蔣志光昨日接受本報電話訪問，問到會否復出歌壇？他坦言：「呢個想法都好有趣，其實我一直都未離開過，間唔中都會接吓騷做，不過唔係公開，唔係嗰啲懷舊演唱會之嘛，而且依家拍劇好忙，TVB對我好好，得閒又畀我做吓Function。」
愛街頭音樂
屬於唱作歌手的蔣志光，還有作曲嗎？他表示：「不嬲都冇放棄過，但係寫歌要尋找對象，要我對嗰個人有感覺先得，唔係我作完是但搵個人唱。（作畀自己唱）哈哈，咁會冇人買。」會否為劇集作曲？蔣志光坦言：「唔會喇！我唔想因為商業而去做，幫電視劇作曲唔係我杯茶。」蔣志光稱自己喜歡玩後生仔音樂，行街時遇到街頭樂隊，會即興問人可唔可以預埋佢一齊玩。
對於有報道指他多年來未有買樓只租樓住，蔣志光坦言：「買層樓好貴，我唔想為咗層樓捱，唔想做樓奴。」
METRO
頁:
[1]