驚爆Mandy Lieu懷洗米華骨肉
驚爆Mandy Lieu懷洗米華骨肉 經理人：應該都會生名模Mandy Lieu今年8月被爆與已婚的太陽娛樂老闆周焯華（洗米華）密會後，早前Mandy又被拍到陪洗米華玩百家樂，證明兩人仍有來往。上星期洗米華和被指懷孕的老婆陳慧玲恩愛出席晚會，同一時間，Mandy Lieu卻現身養和醫院，昨日有報道指Mandy Lieu原來陀女四個半月。本報致電Mandy經理人Marie，問Mandy有何打算，Marie表示：「冇理由唔要，係責任嚟，應該都會生！」劇情精彩過電視劇。
Mandy Lieu早前被爆搭上太陽娛樂老闆洗米華，老婆陳慧玲多次於網上宣示主權，最近陳慧玲被指懷孕四個月，更盛傳這胎是仔。上周四洗米華出活動時，就自爆送千萬禮物獎勵太太，翌日周太出席活動，對老公送千萬首飾獎勵，即笑住講三聲多謝，力證其正室地位。而Mandy早前突然現身醫院，更有指她嗌肚痛，令事件更耐人尋味，原來Mandy同樣懷孕。昨日有雜誌驚爆Mandy陀女四個半月，指她目前已經返老家大馬安胎，本報致電Mandy 經理人Marie求證，她默認說：「總之我唔會否認，遲啲大家就會知，我唔知佢依家喺邊度，佢已經停晒工。我知佢心情好低落，因為唔知自己咩身份，覺得前路茫茫。」問到Mandy有何打算，Marie表示：「冇理由唔要，係責任嚟，應該都會生！（係計劃？）應該唔係啦，佢依家先29歲，仲後生。」如果洗米華老婆真係陀仔、Mandy真係陀女，咁咪湊成好字囉！
頁:
[1]