梁思浩寸爆：唔使借據
梁思浩寸爆：唔使借據https://s.yimg.com/bt/api/res/1.2/xndusSy8GqBpY9YujlHMaA--/YXBwaWQ9eW5ld3M7aD00NzQ7aWw9cGxhbmU7cT03NTt3PTMxNg--/http://media.zenfs.com/zh_Hant_hk/News/TheSun/0125-00470-036b1.jpg【太陽報專訊】梁思浩前晚重返亞視撐義演卻狂辣火頭，先着魏秋樺找王征「攞錢」，再叫袁潔儀及劉錫賢搵成龍「度水」，更着亞視員工找他借錢，全程寸爆，事後更表示不擔心有人不開心！
亞視前晚總動員演出《萬眾同心撑（撐）亞視》，梁思浩代表nowTV拉隊支持，期間上演《娛樂審死官》。短短十數分鐘的演出，思浩句句寸爆，當拍檔李麗蕊呼籲亞視出糧給員工：「唔好再用啲匪夷所思嘅方式去借錢。」他即接道：「大家可以打畀我，唔使息同借據嘅！」
質問魏秋樺唔幫手追數
他又「質問」與王征私交甚篤的魏秋樺，為何不代表員工「追數」﹕「依家水深火熱，（王征）唔好掛住唱卡啦OK。」對方尷尬地說：「思浩，你『口』下留情啦！王生好忙，我都忙住派飯券呀！」思浩更多次着袁潔儀及劉錫賢向演藝人協會求助：「打畀成龍啦！佢大把錢，要成龍電話問我攞！」對於「辣火頭」的指控，思浩昨日接受電話訪問時說：「袁潔儀佢哋係藝人，冇底薪，勞工處幫佢哋唔到。成龍係演藝人協會會長，梗係搵佢啦！係人都知佢有錢！我講嘅有根有據，所以唔擔心。」
無綫唔想畫蛇添足
亞視前晚的演出製作費約10萬元，卻大收宣傳之效，廣告收益保守估計達4、5百萬元，亞視發言人表示會分配作員工薪金之用。而義演內舉行的拍賣籌得68萬7千元，被質疑「違規」，「亞洲會」負責人魏秋樺說：「知道係要事先申請（拍賣），所以過程冇播出街。其實類似嘅活動12月都舉辦過，款項會交畀亞視，用嚟出糧畀員工。」至於無綫派出藝人為亞視拍攝的打氣短片，由始至終也沒提及「亞視」二字，無綫發言人曾醒明說：「藝人錄嘅時候，都知道條片喺亞視播，再講（亞視）有啲畫蛇添足。」
頁:
[1]