催化激情！接吻必殺技
催化激情！接吻必殺技吻不但是定情的象徵，更是維繫戀人、催化激情的重要元素。雖然之前CG!已經有講過少少接吻技巧，不過其實仲有更多戀人之吻必殺技， Be ready to kiss！
準備獻上難忘的吻前，應先好好護理唇部，若有乾硬的死皮，就會令對方好似錫喺鮑魚刷上，絕對係大煞風景！
袪除死皮的唇部磨砂、柔軟雙唇的潤唇膏當然不可缺少，記得喺約會前先塗上潤唇膏，等嘴唇有足夠時間吸收，潤而不黏的吻感就最好！
初階吻技
如果你同佢仍然係約會階段，或者啱啱先開始拍拖，接吻，會係其中一項拍拖嘅重點活動。令人再三回味的吻，係令人越愛越濃的催化劑，唔可以馬虎呀！
‧欲拒還迎
與其來一個激情的法式濕吻，不如施展欲拒還迎嘅魅力。雙手輕撫佢嘅頭髮及頸後位置，接吻時出其不意的將佢嘅頭拉後，令他掂唔到你嘅嘴唇，停頓嗰刻先將頭靠近。佢會愛死你呢個舉動。
‧即興之吻
拖住手逛街時，突然錫他嘅手腕一下；喺擠迫嘅車廂內或升降機內，偷偷快速的輕吻佢條頸；亦可以喺睇戲中途，甚至喺派對中拉佢到暗角來個激烈擁吻，總之喺佢無準備時來個即興之吻，讓激情瀰漫。
‧吻後留戀
佢送你返屋企，goodbye kiss後依依不捨咁摸佢嘅後頸髮邊，輕輕咁錫佢嘅下顎；返到屋企之後，再send一個「:)」WhatsApp，等佢知道你對於同佢嘅約會感覺良好，而且掛住佢。呢啲行為亦足以令佢成晚掛住你！
進階吻技
要感情保質期更長，耐唔耐俾對方新鮮感係其中一項因素，不妨試試以下別具一格的終極吻之必殺技，增添情趣！
‧捉迷藏之吻
將一粒薄荷糖收埋喺口入面，挑戰佢用舌頭搵出來，令法式濕吻更有趣。糖越細粒，難度越高，搵嘅時間越長，錫錫嘅時間都越耐！
‧涼冰之吻
含住冰塊1分鐘然後錫佢，佢熾熱嘅嘴唇同冰感嘅你觸碰時，冷熱交融。除咗冰塊，甜甜嘅雪糕、雪條都係好好嘅「道具」。
‧矇眼之吻
用絲巾或頸巾矇住佢雙眼，輕輕的錫喺佢面頰，然後慢慢的錫喺額上、鼻子上、耳朵上……最後先錫佢個嘴。佢會覺得被矇上雙眼的感覺好神秘同刺激，因為唔知你將會錫佢邊度。
‧蝴蝶之吻
邊個話錫一定要用嘴唇，靠近佢塊面，用眼睫毛輕掃佢嘅面同太陽穴或髮鬢，搔搔癢癢，好似蝴蝶翅膀咁輕觸肌膚。呢種吻好溫柔浪漫，比一般調情更顯親密，有不能言喻的震撼。
頁:
[1]