到底中央政策係放定收？
【股劃有道】到底中央政策係放定收？剛剛過去的週末的新聞動向真係只可以用精彩黎形容，首先中證監在上週五晚對兩融業務提出七項要求，包括券商做兩融業務不得開展場外配資、傘形信託等活動；之後證券業協會、上交所、深交所、中國證券投資基金業協會等四部門聯合發文支持專業機構投資者參與融券交易，擴大融券券源，簡單而言即係支持機構大戶沽空股市。以上行動被視為中央政府冷卻股市的取向，個個炒友都嚇餐飽，上周五夜期即出現恐慌式拋售，大跌700點，ADR亦跌近700點，連財爺都即刻出在微博指出，周一股市很可能會裂口低開，未來一段時間，股市大幅波動的風險不容忽視，再提醒市民注意風險，唔通今次丁蟹效應真係又應驗？但係聽財爺出黎講左注意樓市風險咁多次，個樓市咪繼續係咁升。
最峰迴路轉的係，人行在今年2月5日降準後，星期日再次下調金融機構人民幣存款準備金率1個百分點，預計此次降準約釋放逾1.24萬億元人民幣。由於中國首季的經濟增長已跌至底線的7%，人行下調準備金率是釋放貨幣政策刺激的訊號。一正一負的消息係唔係可以相互抵消？我就認為今次就算係丁蟹都頂多係帶來小波幅，實在無阻大陸的資金潮。
其實今次中央政府相互矛盾的政策可以點解讀？如我之前文章提及，中央政府改革金融市場除了讓中國在國際金融市場取得更多話語權外，另一目的是要以金融市場的增長來成為經濟增長的一個新引擎，所以相信金融市場的改革開放會是一個長遠的發展目標。限制兩融業務及鼓勵機構沽空的做法只是一種擠掉股市不合理泡沬的做法，而鼓勵機構沽空亦可算是發展健全金融制度的重要一步，所以可以視為金融市場長遠發展的一次小調整。
而另一方面，降準絶對係顯示中國內地現時經濟增長動力不足已是不爭的事實，為保長遠經濟增長的目標，預料貨幣政策仍會較為寬鬆。故此，相信股市仍會處於一個大漲小回的格局，投資者實不宜錯過這個大牛市的機會。
頁:
[1]