飲酒後會變成邊種人？
本帖最后由 vincent 于 2015-5-8 14:05 编辑有啲朋友次次飲咗酒就喊，甚至狂鬧人，搞到人人怕咗佢，其實一個人飲酒後嘅表現，反映出佢嘅內心世界同現實生活間嘅微妙關係。下次不妨趁呢個機會，將身邊嘅人逐個睇真啲.
飲酒後，佢通常會：
A. 爆喊
B. 喪笑
C. 閙爆人
D. 瞓覺
E. 心事停不了
分析：
A. 爆喊=懷才不遇型
呢類人心思細密，觀察力強，重視友誼。不過佢哋心胸唔夠廣闊，好介意人哋點睇佢，經常為咗啲小事而耿耿於懷。佢哋生活並唔如意，有好多委屈，總係覺得自己懷才不遇，好唔甘心。
B. 喪笑=樂觀面對型
呢類人性格開朗，心胸廣闊，擅於同人溝通，對朋友、同事都好講義氣。佢哋熱愛生活，亦好識得認清現實，擁有正面嘅人生態度，對未來抱持信心，就算一時失意，都有能力收復失地。
C. 閙爆人
呢類人性格內向，好重視私隱，成日好似有好多秘密咁，佢哋自尊心好強，好怕俾人睇唔起，平時說話唔多，只會同信任嘅人講真感受。佢哋經常覺得自己走投無路，對未來零信心，覺得就算有好嘢都輪唔到自己。
D.瞓覺
呢類型嘅人心胸廣闊唔記仇，亦唔會同人斤斤計較，雖然佢哋性格隨和、好易相處，但又唔會同人有太多交流。生活上，佢哋通常都算順風順水，無咩大挫折，而且佢哋本身都好易滿足，要求唔高，唔會對將來抱有不切實際嘅幻想。
E. 心事停不了
呢類型有思想、有見解，但平時唔係好鍾意表達自己或隨便俾評價，佢哋個性內向，唔鍾意成為目光嘅焦點，亦唔太鍾意冒險，飲咗酒先會分享個人睇法。呢類人安於現狀，生活唔會有大起大跌。
頁:
[1]