拉姑搵Friend狂呻
自從跟謝霆鋒簽紙離婚後，張栢芝便帶埋對寶貝仔Lucas與Quintus定居新加坡，好日唔返港，愛孫心切的拉姑一年先見得對孫仔一兩次。昨日母親節無節目，拉姑唯有約埋朋友飲茶，全程手指指講唔停，眉毛上揚，好有火，食飽呻夠先願走，離去見有記者即笑住揮手，問她有否收到孫仔禮物？拉姑即封嘴拒答，然後non-stop對記者說「母親節快樂」迴避。採訪：張詠森
已經唔需要睇謝家面色的張栢芝，如今活得自由，閒時帶對寶貝仔四圍飛，但就鮮有回港探謝家兩老，難怪拉姑的母親節節目係約朋友飲茶吐苦水。昨日跟朋友在置地歎茶，見她全程說不停口，手指指，同枱朋友齋聽冇搭嘴。
拉姑負能量強勁，難怪鍾鎮濤見到都唔敢埋身打招呼，各有各山頭，臨尾拉姑主動埋枱打招呼，對着鍾家千金又攬又哄，熱情得嚇人，范姜笑得好尷尬，唔信自己睇片。
一早知有記者在門外守候的拉姑，一出門就笑住揮手，但當記者問她有冇收到孫仔禮物，拉姑即手指放嘴前截停記者提問，然後開始不停對記者說「母親節快樂」。
頁:
[1]