修哥解釋話：唔係打交
修哥解釋話：【其實佢兩個唔係打交，老四戴黑超先打中曾江】
係咁既，其實未做訪問時我已經聞到有火藥味，所以我咪話『要打！都要記得搵個安全位置坐低，咁先打得安全嘛。』
大家都知老四份人黎男子氣概，佢一句『好！Ｘ你老味！』就坐落黎，我望一望…咦仆街喇！做乜鬼野我夾喺中間嘅…。
相信大家都睇到條片，Joe Junior條粉腸淨係識企喺安全位置收音，記者又淨係識食花生，我咪唯有頂硬上，夾住兩個人中間，不斷勸交話：『喂喂喂！記得緊握扶手啊！』，點知老四呢個時候就彈起身話：『哪有扶手啊你老母？』然後兜巴摑落我度，仲唔小心打到曾江添。
件事就係咁囉，所以當日老四佢唔係打交，只係打我姐，你知啦佢廿四小時都戴住副黑超，睇鬼到路咩。拍攝嗰時啊，佢以為推住曾江架輪椅，根本上佢全日都推住惠康架手推車，喂大佬啊！我先係惠康代言人啊！佢個仔搵咁多錢就咪同我爭廣告啦頂！
唉…總知叫導演幫我搵個替身先拍廣告…
頁:
[1]