金燕玲剖白與蘇施黃感情
金燕玲(左)接受黎燕珊訪問，首度剖白與蘇施黃的感情。香港文匯報訊 由黎燕珊及吳綺莉主持的有線節目《往事．並不如煙》首集請來金燕玲。金燕玲分享兩段婚姻失敗的慘痛經歷，更首度剖白與蘇施黃(阿蘇)的感情。
https://s1.yimg.com/bt/api/res/1.2/rRiWNhWoSzGNlla8wCS_zQ--/YXBwaWQ9eW5ld3NfbGVnbztpbD1wbGFuZTtxPTc1O3c9NjAw/http://media.zenfs.com/en_us/News/singtao/_2015100618363970554_popup.jpg
金燕玲坦言從小渴望結婚生子，十九歲與第一任丈夫拍拖，二十一歲便結婚定居英國，「臨結婚前我發現自己有咗BB，但佢唔想要，我唔想畀人覺得用大肚迫佢結婚，於是落咗吽C」婚後再次懷孕，金燕玲卻第二度墮胎，「因為我覺得佢並唔想要，現在諗返覺得好彩無生，唔係就對唔住呢兩個小朋友。」結束第一段婚姻後，金燕玲在三十六歲時意外懷孕，決定再婚並再定居英國，可惜第二段婚姻同樣出現問題。
慶幸囡囡生性
提到離婚原因，金燕玲感慨：「我專心湊小朋友，無人幫自己，搞到精神好緊張，自然愈來愈醜樣，於是就發現佢（前夫）有外遇，我當時就快五十歲，可以走去邊？」最後挽救婚姻失敗，金燕玲主動提出離婚，「我一直以為自己可以求其過一世，屈就下都無問題，但原來好多嘢唔係你控制。」金燕玲憶起離婚後的徬徨心情更忍不住嗚咽說：「我每晚都要飲酒同食安眠藥先瞓得着，好彩我囡囡好生性，鼓勵我離開英國返香港工作。」
另外，金燕玲也在節目中首度開腔回應與阿蘇的感情，她強調並非因婚姻挫折而轉變性向，坦承當初只為現實生活而接受阿蘇的追求，「佢同我講鍾意我，要追我，佢可以無條件安排住嘅地方畀我，我心諗咩人嚟㗎？我都唔係鍾意女人嘅，但好現實，我的確需要有人照顧我。」要接受同性感情並不容易，除了通過女兒的一關外，金燕玲亦要衝破自己的心理關口，「我好介意人點睇我，我從來無諗過最後會同一個女人一齊，但阿蘇感動咗我，我衷心想講，錫你嘅人，無論係方、圓、黑定白，都係無分別。」她表示與阿蘇的喜好不盡相同，但能互相分享生活。
https://lh3.googleusercontent.com/-ud8rSGUEHgE/UYOPQ2icHkI/AAAAAAAAQn0/J0ZTCGfmtQU/b2036a2d170ae93_A927_045_7410066.jpg
頁:
[1]