何韻詩遊芬蘭遇鹹濕屋主

yeeling

早前，何韻詩同高皓正赴愛爾蘭拍攝ViuTV綜藝節目《跟住矛盾去旅行》，之後佢就選擇離隊獨自遊北歐。再之後，佢喺社交網站自爆喺芬蘭住民宿嘅時候遇到「鹹濕屋主」，上星期仲被周刊寫成「遇上醉酒屋主被扯爛衫險遭性侵兼要漏夜半裸跳窗雪地逃亡」。嘩！呢個劇情真係可以拍電影呀！


阿詩眼見呢件事已經越傳越誇張，噚晚不得不喺佢Fb出千字文講述整個事發經過、澄清。最後阿詩亦提醒女性獨自旅行要小心選住宿，萬一遇上呢類性侵犯性騷擾嘅情況，絕對唔可以不了了之，要講俾信任嘅人知，嚴重嘅話就一定要報警：

yeeling

【芬蘭事件澄清文】


關於芬蘭公寓事件，本來真係真係唔想再講，尤其俾本八婆雜誌亂Q咁作後，更加唔想再回應。但見大家越傳越離譜，越講越過火，仲要攞嚟茶餘飯後講笑，發現有必要釐清整件事嘅始末。


首先，我想講，當晚我喺facebook發嗰個訊息，並唔係因為諗住博見報或者比雜誌有料寫呢啲低能嘢，而係因為，我當時：


真。係。好。驚。


如果你自認為一個人，請你找來足夠嘅同理心去明白，性侵犯／性騷擾事件並不是用來講笑的。有遇上類似事情嘅人就會明白，呢種遭遇係絕對可以為一個人留下很深嘅陰影。當然我最後好彩無事發生，但唔代表大家就可以攞呢種話題嚟消費。

yeeling