陳星妤爆埋自己幾時失身

lust88

TVB劇《一舞傾城》入面，其中一個最為觀眾關心嘅係陳星妤飾演嘅KK，到底會唔會為錢賣初夜。尋日陳星妤為節目《咁你都唔識》錄影時受訪，預告定KK同關楚耀飾演嘅Marco會喺下星期進一步發展，到時先會正式失身。


不過訪問嘅重點去咗陳星妤度 － 有記者問到網民係咁討論幾時「失豬」會唔會令佢尷尬，陳星妤答話唔會，仲覺得「都幾得意，好似帶我返去十年前……」，呢個時候陳星妤真係諗一諗再答「唔係，係七、八年前先啱」。有記者好醒咁打蛇隨棍上問「吓你七、八年前冇架？（失身）」。陳星妤好坦白咁話「係呀！」，答完先知出事，於事就兜多句「都話我20歲左右先初戀咯」，但似乎無補於事，仲俾記者笑佢好坦白。陳星妤唯有扁嘴，話「（KK）下星期先冇」。