碧咸陷公關災難頹爆隊酒

yourlove

美職球隊國際邁亞密訪港踢表演賽，惟矚目球星美斯及蘇亞雷斯均缺陣，引來大批球迷噓爆嗌回水，班主碧咸即化身「最強公關」，親自繞場一周拍手掌，又大方與衝入球場的球迷合照，但仍未能平息民憤。有讀者爆料指昨晚10至11時，於酒店頂樓餐廳野生捕獲碧咸，見他一臉愁容目無表情，之後更頭耷耷表現頹爆，並在酒局上借酒消愁，明顯受早上的公關災難困擾，身旁坐有「軍師」，相信正商討如何拆彈。

yourlove

yourlove

美斯抵達日本即露微笑

yanchan

yanchan

boba2

出唔起錢又想轉危為機，唔好再吟吟沉沉，免費醒多條好橋畀你：受重傷嘅美斯經過香港呢塊福地後不藥而癒，去到日本幾生猛，足見香港真係一塊福地！

boba2

阿根廷球王美斯喺周三(7日)晚熱身賽國際邁亞密作客神戶勝利船，即使後備上陣踢咗30分鐘，但仍然因一件事惹起當地球迷不滿，皆因兩隊打和0比0，需要互相12碼，呢位36歲前鋒竟然冇份主射，場內立即噓聲四起，繼早前訪港「齋坐」後，再次激起「民憤」。


美斯以往踢球會或者阿根廷國家隊，當需要互射12碼分勝負，佢通常獲安排首輪操刀，包括上屆世界盃8強對荷蘭、決賽對法國，美斯都係阿根廷第1位主射球員，佢加盟國際邁亞密後，上年8月盃賽對FC達拉斯、拿舒維爾、FC辛辛那提，美斯都係身先士卒，為國際邁亞密首輪操刀。


當日本球迷拎定相機，準備影美斯今場熱身賽主射12碼一刻，卻一直等唔到，日本傳媒指完場時，出現大量噓聲，好多球迷不滿國際邁亞密教練馬天奴唔畀美斯率先主射12碼。


另外，日本傳媒指今場只有28,614人入場睇波，令可以容納68,000名觀眾嘅出現大量空位，亦遠低於上年6月神戶勝利船對巴塞隆拿嘅47,335人入場，更加比唔上上年7月橫濱水手對曼城，當時有61,618人入場。

boba2

國際邁亞密喺周三(7日)晚熱身賽互射12碼不敵神戶勝利船，出現爭議性一幕，國際邁亞密中場羅拔泰萊射失，美斯唔止冇表達失望，或者安慰隊友，反而大笑，令人覺得佢對自己人幸災樂禍，結果遭到網民瘋狂批評，甚至有人要求國際邁亞密同呢位阿根廷球王解約。


當時羅拔泰萊勁射中楣彈出，成為今場首位射失嘅國際邁亞密球員，鏡頭影到美斯開懷大笑，引來網民大肆評擊，包括話：「令人作嘔嘅球隊領袖」、「國際邁亞密應該立即同佢解約，太荒唐了」、「咁都笑得出，令人噁心嘅男人」、「隊長冇可能做出呢種事，毫無羞恥之心」。