王祖藍台慶向李亞男求婚

leador9

香港電視昨日正式開台，有份演出劇集的廖啟智、黃日華和林文龍等60位藝員齊齊盛裝出席開台禮，其中擔大旗主演兩套開台劇的廖啟智大讚用手機睇電視夠隨意。至於同日台慶的無綫亦晒行馬慶祝，安排全台200位花旦小生撐場，想不到無綫竟出絕招，硬撼港視直播的《選戰》，安排王祖藍即場送上巨型鑽戒向李亞男跪地求婚，李亞男感動流淚，即場答應婚事，搶盡風頭，令人驚喜萬分！



港視昨日於酒店舉行開台禮，延開36席，艾威、石修、李璨琛、梁小冰、姜麗文等60位港視藝員均有出席，其中林文龍、夏雨、郭峰和兩大港視小花黃芷晴、黃美棋更上台演出短劇，宣傳港視新節目，至於姜文杰則自備舞蹈員進行舞蹈表演，獻唱新歌。
而無綫的《萬千星輝賀台慶》則於昨晚在電視台舉行，200多位藝人參與，包括陳豪、黎耀祥、馬國明、佘詩曼、胡杏兒與徐子珊等，分成獎門隊與至叻隊比賽，由曾志偉與陳百祥擔任隊長爭取480萬獎金獎品。其中一個接力踩單車遊戲，陳豪出師不利，連人帶車跌落地，馬國明就踩得非常慢，即被錢嘉樂取笑：「你要着番嗰條白色褲先得。」而一班女藝人趁機爭艷鬥麗，當中兩大咪神呂慧儀與高海寧最為搶鏡，但都不及王祖藍求婚來得震撼，搶盡眼球！
王祖藍送巨型鑽戒
王祖藍和李亞男原本表演同一個魔術環節，魔術師要將祖藍變走，現場眾人扮發生意外，嚇得李亞男眼泛淚光，之後祖藍拎住一大紮紅玫瑰跪地向李亞男說：「大家都等咗好耐，你話要一個最驚喜嘅求婚，同啲兄弟度咗好耐，今日最齊人，所以決定揀今日，你同我係唔同嘅人，初初我只係一個兒童節目主持，你係華姐，我好矮（5呎3吋），你好高（5呎9吋），我未試過講嘢咁窒，無論之後有幾困難，娶到你我一生都會好幸福。」祖藍隨即從口袋掏出一隻超過3卡巨型鑽石戒指，一直強忍淚水的李亞男，除下手上的戒指準備戴上鑽戒，遭祖藍取笑：「你要答我願唔願意先，唔使要咁急即刻除戒指！」李亞男即時泛淚說願意，蔣志光在場唱着《愛是永恆》，場面搞笑又感人。之後曾志偉帶領祖藍母親與李亞男父母現身，眾人隨即與二人相擁。
事後兩人接受訪問時連咀兩次，李亞男搞笑說：「係咪真㗎？好Surprise ！唔好再有下次，真係嚇死！」祖藍表示等了求婚這機會久，「因為要等佢父母返香港。（求婚騎劫台慶？）借來使吓啦！」李亞男就爆父母瞞住她扮仍然在加拿大，兩人又否認因有BB而急於結婚。原來曾志偉是今次求婚策劃人，被問到是否用求婚打香港電視，志偉說：「唔使打，睇完咪轉台，開心事。」鍾嘉欣就爆料指綵排時已知祖藍會求婚，「我保守秘密好叻，以前同阿男一齊住過，見證佢哋拍拖到開花結果。（係撼港視嘅秘密武器？）都可以咁講，如果大家咁諗。」至於無綫電視行政主席梁乃鵬就表示事前毫不知情，他抹着眼淚說：「好感動。（搶台慶風頭喎！）冇，係高興事。」
胡杏兒會睇港視
對於台慶與香港電視開台對撼，被傳希望離開無綫的胡杏兒坦言：「都係Gimmick，唔係壞事，良性競爭。（會否睇香港電視？）有機會都會參考吓，睇吓競爭對手發生緊咩事。」而身為開台劇《選戰》、《警界線》主角的智叔出席開台禮時坦言對港視終於能夠開台感高興：「有網台都好，幾方便，一Click就睇到。不過我嫌廣告多得濟，一個break有幾個咁多。」不過有廣告代表收入會增加，難怪智叔立即補鑊：「咁要恭喜佢！希望可以加大製作成本繼續拍劇。」
黃芷晴昨日換足三次衫，其中一套黑色禮服大騷4吋事業線，對於父女檔上陣的《開腦儆探》未能成為開台劇，黃日華不感可惜。王維基指將於下年2月重新開始拍劇，黃日華說：「到時睇吓點，依家我大部分時間都喺內地拍劇，同埋我年紀大啦，唔捱得咁多。」METRO