林書豪變慘慘豬！

graceful

林書豪變慘慘豬！
林書豪周五取得湖人全隊最高嘅20分，但唔止仲要輸波，更畀高比拜仁鬧到傻，真係慘慘豬！湖人主場迎戰灰熊，戰至完場前24秒落後1分時，J.lin在教練史葛指示下一直未有出手犯規，引至本來喺場嘅高比仔發晒「老脾」，更衝前自己郁手，最後「紫金軍團」以106比109輸波，「磨心」林書豪反成「罪人」。





湖人今戰在第4節一直落後，錄得15分的高比完場前24秒3分得手，將差距縮窄至1分。林書豪曾向史葛確認要否犯規，將灰熊控衞干尼送上罰球線，讓球隊有更多時間布置最後一擊。史葛話等到最後10秒至出手，但高比仔覺得應盡早犯規，向「林瘋」不停大叫「Foul人」，林成為「磨心」未能作出決定，最後高比忍無可忍，自己衝前主動犯規。

朗度（左）首次倒戈，即帶領小牛殺敗塞爾特人。（美聯社圖片）
朗度（左）首次倒戈，即帶領小牛殺敗塞爾特人。（美聯社圖片）
朗度重返TD花園食「塞」
「紫金軍團」喺最後0.6秒仍有追和機會，但高比射失追和3分波，球隊終以3分飲恨。高比拜仁賽後話「林瘋」今戰表現不俗，不過就要學懂放鬆自己，唔好逼得自己太緊。至於史葛就話唔能夠將輸波責任推畀「林瘋」，並已向高比解釋自己當時叫「林瘋」留手嘅決定。

另外，小牛控衞朗度今季轉會後，昨晨首次回到塞爾特人主場TD花園，發威射入5球3分波，狂轟全場最高29分，率領球隊以119比101大勝塞軍。
東方