阿倫爆內幕 喪犬彭嗌散Band

seiko

阿倫爆內幕 喪犬彭嗌散Band


【太陽報專訊】譚詠麟（阿倫）與李克勤的經理人公司昨晚舉行「藝能集團三十周年慶祝晚宴」，於九展筵開123席。溫拿樂隊、李克勤、鄺美雲、洪金寶、溫碧霞及陳百祥夫婦等盛裝出席，對於本報獨家踢爆溫拿樂隊舉行完明年二月演唱會後醞釀解散，獨自先行到場的成員陳友受訪時說：「其實每次開會都有好多台前幕後，大家都會講好多嘢，咁多年係有好多承諾，唔係有承認就得，世界有自然規律，的確有人提起過，邊個就唔講喇！我反對散Band。」
其後，溫拿其餘四子阿倫、鍾鎮濤、彭健新及葉智強一同受訪，阿倫於言談間暗示彭健新受愛犬OK仔逝世打擊而提出散Band：「健仔愛犬OK仔過身有啲打擊。」問到健仔心情？他欲言又止說：「開會時有輕輕掂一掂（散Band），亦收到好多人指罵。」阿倫則補充：「其實好多同事都提出過，有部分提出時冇乜經過個腦。（演唱會後有定案？）希望盡快，自己都唔開心，心入面有條刺。（影響友情？）絕對唔會，方向有意義一定會聚。」當溫拿五子影合照時，抵死的阿倫主動叫彭健新企中間：「依家你係焦點。」搞到彭健新勁尷尬。