 首先你要知道，女人唔係機械人，禁幾個掣就可以完成指定任務。要撻着佢嘅原因可以好迂迴曲折，例如嗰日你有冇氹得佢稱心滿意， 佢處於生理周期邊個階段，或者你嘅前戲技巧得唔得佢歡心等等。 呢啲就係點解燭光晚餐咁貴夾唔飽仲會有男士心甘情願找數， 因為餐廳嘅氣氛、燈光、進餐鋪排，對女士嚟講係90%有效嘅催情劑。 即使陰道夠濕滑，都唔一定可以達到高潮。潤滑太少，固然產生痛感， 太濕，又可能唔夠磨擦，感覺唔到刺激。難度好高呢？ 就你信中講，女友喺你直接刺激敏感部位後就feel到微痛或痕癢， Miss Sex估，你女友可能屬於比較敏感嘅類型，唔適宜太持續、 太用力、太直接嘅刺激，佢可能比較喜歡婉轉啲嘅前戲，例如愛撫後頸、 下背、臀部、膝蓋到大腿內側，或者只係溫柔嘅腳部按摩。 萬一你真係想入正題，也可以試試隔着內褲或衣物來刺激， 有可能會增添加偷偷摸摸嘅快感。當對方覺得too much時， 就轉做其他較間接溫柔嘅調情方法，例如親吻和同攬腰。 記住，要輕力再輕力，慢啲再慢啲，經驗淺嘅男士，總有太粗魯嘅毛病。 想像撫摸小貓咪嘅力度，而唔係捽藥油咁捽。 當然，Miss Sex唔係你女友心入面條蟲，邊樣對佢最work， 仍要靠你反覆驗證，同佢嘅誠實反映。 祝順順利利！ |
Archiver|手機版|小黑屋|香港自由行-論壇 |網站地圖
GMT+8, 2025-1-27 11:31 , Processed in 0.029969 second(s), 25 queries .
Powered by Discuz! X3.4
© 2001-2013 Comsenz Inc. Template By 【未来科技】【 www.wekei.cn 】
