點樣先可以吸引一個自信 , 有理想嘅男人/男同学 ?

trainer

點樣先可以吸引一個自信、有事業、有理想嘅男人，為本來美滿嘅生活錦上添花？

秘技在於兩個字：溫柔。老土嘅橋段最受落，男性總被較溫柔、較女性化嘅淑女所吸引，但唔代表你要失去個性、自主喎！

男士總愛有所為，總要做啲事嚟證明佢哋有能力令身邊人嘅生活更美滿，當男子愛上女子，令佢快樂係首要（持續）任務。

（女人唔好再喺呢個問題上爭拗，呢一點可謂係男人嘅天性。）

如果連呢個任務都唔俾佢完成，咁佢仲有咩理由長伴左右？即使留下來，女士既無所求，佢嘅付出都會漸歸於零。

溫柔是力量

究竟咩係溫柔，有女人味？係咪俾佢開紅酒通渠換燈膽整電腦搬家具？

係咪就算唔認同或覺得佢嘅睇法有謬誤都唔去爭辯同糾正？

Well，喺適當嘅時候……係。

小鳥依人、說話溫婉、面帶微笑、成日著裙、精通家務烹飪等上一輩對於好女仔嘅要求，

正正係今時今日不少擁有學識事業、返工著power suit、喺職場上同男性平起平坐嘅女性都極力避開的。

但現代嘅男性亦未至於迂腐到認為女子無才便是德。其實女性嘅溫柔有好多層面，

唔代表要女性上繳自己嘅權力同能力。其實溫柔就係力量嘛！

女性溫柔嘅性格特質係包容、仁慈、樂觀、充滿正能量、常存感恩之心、慷慨，唔係指物質、地位或金錢上，而係心思上及活出真我。

成為男性嘅頭號粉絲（無男人抗拒得了仰慕嘅眼神），感激佢為自己效勞。

見機行事

雖然，有時候咁樣代表有啲事情可以俾佢代勞（即使自己有能力完成），亦有可能令他以為自己係啱，

縱使佢可能係錯。但只要喺適當又無傷大雅嘅時候「撓埋」雙手，你嘅收穫會比當場親自出手嚟得豐富得多。

當你已經進入咗佢嘅circle of trust，喺適當時候「出手」，提出一些佢沒想到的觀點，

佢反而會欣賞你精明、細心，將你歸入冰雪聰明的類別，仲會更加覺得自己執到寶。