帶麥當勞餐入境罰$15,000？

babalo

帶麥當勞早餐入境澳洲 旅客竟被重罰$15,000
相信大家都知入境香港係唔可以帶生肉或者植物，不過所謂各處鄉村各處例，一唔小心隨時被罰。話說日前澳洲媒體就報道，一位由印尼飛澳洲嘅旅客，於達爾文機場就因為被搜出攜帶麥當勞早餐，而被罰款$2,664澳幣（約$15,000港元！）究竟所謂何事呢？

babalo

原來澳洲政府上個月開始實施全新安全計劃，為免出現口蹄病所以要求旅客如果攜帶食品入境需要主動申報，口蹄病主要由肉類、奶製品、活體動物等傳播，澳洲政府要求旅客如攜帶以上食品或蜜糖、芝士、果仁等都要申請，澳洲農漁局局長話條例已經寫得好清晰，亦已經於機場入境關口前放滿告示牌提醒旅客，佢話今次罰款係旅客本身張機票嘅兩倍價錢，相信係該位旅客食過「最貴嘅麥當勞早餐」呢。


其實美國都有相關法則，旅客要主動申報攜帶嘅所有食品，否則最高罰款可達1萬美金，其中肉類、蛋、奶都係明確寫明嚴禁攜帶。以後大家無論去邊度旅行，事先記得查明當地法規，唔好誤踩地雷喇！

babalo