吳啟華：結婚是錯誤決定

March

【晴報專訊】吳啟華宣布與內地女星石洋子離婚後，昨天首次出席活動，他坦言當初決定結婚是錯的，可幸兩人離婚並沒有反目收場。啟華更維護前妻，力證她不是一個只識使錢的女人。
吳啟華昨天出席行李箱品牌活動，他表示早前與愛女吳熙兒到塞班島享受幾天假期，兩父女有機會一起海底漫步，相當難忘。下月是女兒六歲生日，這位廿四孝爸爸正計劃帶她到日本旅行，啟華說：「其實會同埋外母去，睇下佢媽咪得唔得閒去啦。（想修補關係？）之前都講過，已經分開咗幾年，大家有努力過，但分開係最適合。其實我哋嘅關係唔太差，只係當初決定（結婚）唔係好啱。（辦好手續？）未正式簽紙。」
安排囡囡深圳讀小一
有報道稱石洋子因為太大使，導致婚姻破裂，啟華出言維護前妻：「想買靚嘢係人之常情，除非我冇能力，有能力都會滿足佢。而且佢係我太太，唔買畀佢買畀邊個呢？」他透露女兒從小由外母照顧，她即將入讀小學，要認真考慮讀書安排：「都想佢喺香港入學，但外母簽證冇咁長，可能喺深圳讀。（見個女多啲？）希望啦，始終長春太遠。」
此外，石洋子昨午於微博寫道：「永遠不要去羨慕別人的生活，即使那個人看起來快樂富足。永遠不要去評價別人是否幸福，即使那個人看起來孤獨無助。