廣東話係最難學

cirla

有好多人都話，廣東話係最難學，俗語又多，有時聽完都唔知點解，的確廣東話博大精深，舉個例子，當有人話你知佢老竇係誠仔，
你一句「係呀」係對人地講嘅表達肯定，
但連續講三次以上「係呀」，就表示否定，廣東話係味好過癮呢？
另一樣最為人津津樂道嘅係廣東話有好多有趣俗語，
表達唔同嘅感受同意思，咁俗語其實又係咩呢？
俗語即係約定俗成嘅慣用語，俗語一般源自民間創作，
所以諺語亦包括俗語裏面，而諺語亦來自民間創作，
一般有意思有思想，而且通俗易明，
例如「一寸光陰一寸金，寸金難買寸光陰」、
「人有錯手，馬有失蹄」等，
一般可能從字面上理解到意思，廣東話俗語中仲有歇後語，
有啲指桑罵槐嘅感覺，字面上嘅意思亦唔係真正嘅意思，
例如「和尚擔遮」，意思係無法無天，取髮字同音，
隨住時代步伐，俗語已經少左人講，好多已經被網上潮語取代，
但潮語中英夾雜代表性低，同時亦缺少左廣東話俗語中富地道文化嘅故事性，
你未講過都一定聽過，包你愈睇愈親切！

cirla

俚語阿茂整餅意思形容冇果樣整果樣，本身唔係貶義，據說廣西有一位叫阿茂嘅整餅師傅，
工作非常盡責，巡舖後見到有咩賣完冇貨會即時返廚房整，冇果樣說整果樣，
但去到今時今日，冇果樣整果樣邊左形容做左一啲多餘嘢得到反效果，
唔整好過整，所以阿茂整餅說就由褒義變成貶義俗語。

cirla

呢句俚語就比較易理解，狼過華秀隻狗，即係比華秀隻狗仲要惡，
但問題係華秀係邊個？佢隻狗又因咩事咁惡呢？相傳華秀係茶葉商人，
而且相當鍾意狗，有一次見到一隻奇狗，頭大身短，
就重金要求狗主轉讓，而狗狗亦冇令華秀失望，好勇鬥狠實力強橫，
為華秀響鬥狗上贏咗唔少錢，係一條好狠好嘅狗，
有時會用於買嘢被當水魚後嘅反擊。

bbany

你鹵味，亦可作你老味，實際上是廣東話髒話你老母的婉委詞。平時常見於香港、
廣東等廣府話社區中。相比起其他粗口，已算是較溫和的髒話.

bbany

新鮮蘿蔔皮
細個成日聽人鬧交都會講『你係乜嘢新鮮蘿蔔皮？』。意思為嘲笑他人裝模作樣。原文為新絲蘿蔔皮』。後來以訛傳訛演變成『新鮮蘿蔔皮』。有說以前有一種低級皮草叫老羊皮。形狀像蘿蔔絲，有些社會地位不高的暴發戶學有錢人著皮草。

bbany

蛋散
港式點心中的蛋散，輕輕一咬就會碎到散落一地。用來形容膽小怕事而沒有作為的人。周星馳電影《食神》中一句對白：『就憑你哋一條粉腸四件蛋散想搞掂我？』。將蛋散—詞演繹得出神人化。

bbany

粉腸
粉腸指的是是豬的十三指腸。即是豬隻内儲存食物殘渣、冀便的地方。帶有航麟的意思。其實粉
腸是一個非常粗鄙的廣東話粗口的諧音。所以
『你條粉腸』亦代表鬧對方是混蛋。

bbany

叉燒
港人最鍾意食燒味。連鬧人都出現燒味！相信大家細個都聽阿媽講過『生嚿叉燒好過生你』。用叉燒同自己比較，難免会人傷心。 這句普遍用於父母鬧小朋友。形容小朋友唔乖、唔聽話。甚至不考。不過諗諗吓半肥瘦叉燒咁好食。被形容是叉燒也不錯。