Weekend 公主遇上少爺 吳千語

world

Weekend 公主遇上少爺 吳千語       

21歲的吳千語，入行四年，演出的作品，隨時十隻手指數得完，但她演藝路上的成績，總不及她與林峯的戀情來得有成就。

千語負面新聞不少，有說她患公主病，亦又說她拜金，但年紀輕輕的她卻睇得開，懶得理。
亦有說林峯有少爺脾氣，如果屬實，千語究竟有何過人之處，令林峯貼服？見怪不怪的她，這樣說：「我唔覺得自己係個Perfect嘅人，可能喺平行時空，大家嘅出現係幾啱！」
最近吳千語有份主演的新戲《青春鬥》，說的是新一代年輕人，為追求愛情可以去到幾盡？戲中的千語因為迷戀同校的武術隊師兄徐正曦，不惜放下矜持做主動，來個反差女追男。至於現實呢？千語就表明，她不喜歡女追男，更做不到，說實際，女孩子始終享受男追女的感覺，千語也如是，「我依個年紀梗係Enjoy拍拖啦！」
兩年前，吳千語和林峯因拍電影《男人如衣服》而撻着，向來對感情事低調的林峯，卻在去年初《十大勁歌金曲頒獎禮》上，公開多謝「BB」，之後出活動時又隔空向女友連講七次「好愛」BB，肯定了千語的女友地位。
然後衝着而來的，便是千語的負面新聞，說她拜金女、愛名牌等等，對於種種指摘，千語反而沒所謂，她說：「我唔會唔開心，我過緊自己嘅生活，為咗三唔識七嘅人評論你而唔開心，好唔值得囉。」千語明白娛樂圈這行，即使有沒有負面新聞，也要做下去，她說：「我唔會唔講感情，呢種唔係好好嘅溝通同埋處事方式，問到我，我會答冇所謂，當然我希望以後講多啲工作嘅嘢，希望大家睇到我有進步。」
婚姻好遙遠
自戀情公開後，千語被問得最多的，應該是她何時跟林峯結婚？以34歲的林峯來說，確是適婚年齡，但對只有21歲的千語來說，稍為早了點，她不禁說：「問結婚？真係問得太多，我呢個年紀係要Enjoy拍拖，每個女仔都會想有家庭有仔女，當然我都想有呢個畫面，先至會去結婚，但我唔會特登去Plan，結婚呢件事，唔係我依家要去做，自己剛剛出嚟做嘢無耐，婚姻對我來講好遙遠，唔係我呢個21歲人去諗。」

愛鬥嘴
電影《青春鬥》除了吳千語，戲中還有演一對的林德信（Alex）和盛君，做大師姐的盛君，本身學過武，拍起來當然駕輕就熟，相反Alex完全是捱打，他笑說：「我個角色好搞笑，畀人打又畀人鬧，有時都幾有幽默感。」在旁的千語，心直口快插嘴說：「對佢無乜好感，戇居居咁！」Alex只好笑笑口話：「係呀，我成日畀佢鬧。」
戲內千語跟林德信演表兄妹，兩人不論戲內戲外，都在鬥嘴。不過盛君就幫口說：「佢留鬚嗰樣就老十年，冇鬚似18歲，其實佢可塑性都幾高。」
今年主力拍戲的Alex，令人想起他的緋聞女友松岡李那，正在拍周星馳監製的新片《美人魚》， Alex只管在笑，反而身旁的千語和盛君，出口術幫他解圍的說：「嘩！個個都想拍周星馳啦。」雖然Alex對松岡隻字不提，不過他認同好想拍周星馳的戲，他說：「佢直頭係世界級啦，外國人都睇佢嘅戲，佢15年前拍嘅戲，到依家睇都仲識笑，唔會Out。」
說到戲中Alex沒有咁好艷福，冇女追男的情節，但現實中他非常樂意接受，他說：「我覺得Ok，女仔主動啲都可以，依家啲女仔有好多選擇，試過一個月唔得，就唔會繼續。」此時盛君和千語不約而同說：「佢緊係畀人追慣啦！」此話一出Alex笑而不語，唔通講中咗？

從前的林峯甚少將感情掛在口邊，但對住千語卻例外，問她有何過人之處或魅力吸引對方？千語想了一想，然後說：「我曾經睇過一篇文章，講兩個人嘅遇上，當喺啱嘅時候遇到唔啱嘅人，喺唔啱嘅時候遇到啱嘅人，或者喺唔啱嘅時候遇到唔啱嘅人，但如果喺啱嘅時候遇到啱嘅人，就唔使講太多，Timing啱係緣分。」聽落有點簡單複習化，其後她又直接的說：「我唔覺得我係個Perfect嘅人，只係平行時空裏面，大家嘅出現係幾啱。」
說到林峯比她年長13年，兩人的相處如何？千語話：「大家喺性格上可以互補不足，我是一個好急嘅人，佢係一個有耐性嘅人，大家一定有嘢可以互補到，因為冇人係完美。」
至於工作上，林峯有沒有以前輩的身分教她，千語話：「一定唔會，我哋好少傾工作，最多只會用朋友方式傾吓。」她還不經不覺間透露林峯愛嘆慢板，她說：「平時我覺得佢好慢，不過佢一做嘢就好似上身咁，開行Turbo好有衝勁，兩日唔瞓都得，但我就唔得啦。」
天生易跌親
身形又高又瘦的千語，甚有骨感美，是不少女孩子都夢寐以求的身形，但她不覺得有何好處，她說：「我唔鍾意做運動，因為我好易拗柴，又易暈。」她更謂不想自己太高，她說：「太高嘅高踭鞋我着唔到，會好驚，我生得高，但天生腳筋短，好似做青蛙跳我就平衡唔到，所以易拗柴。」
叫她增肥，她表示一直都想，但又肥不到，她說：「我好容易暈，因為太瘦，想增肥又肥唔到，我已經食好多嘢，而且係正餐，我唔鍾意食零食，但睇過醫生都話幫唔到我，營養師話我血壓、血糖、膽固醇、體重和脂肪，全部偏低，仲叫我飲多啲可樂。」
零功夫底子
在《青春鬥》中她有不少高難度動作，她坦言：「呢部部唔係青春片，而係動作片就真，打到好似葉問咁。」零功夫底子的千語，幾乎日日吊威也，她說：「我不嬲都唔打得，一開始驚自己做唔到，點知個武指當我得，話吊就吊，死就死啦！ 好彩自己唔係畏高， 冇想像中咁恐怖，原來我都得喎！不過有一幕要我跪底再向後八字腳，然後瞓低，我冇可能做到囉！」
更高難度挑戰，她要與真正武術隊出身的師兄弟對打，她說：「同佢哋拍時，我好驚，佢哋啲拳風好有力，但打過來係掂唔到我，如果真係打一拳過來，我諗我死緊。」
喜歡拍戲的千語，為了克服自己美中不足的地方，她有意去進修演藝課程，她說：「如果有訓練拍動作戲嘅課程，有機會我會去讀，我呢個年紀係應該乜都要試吓，自己都想拍番套好戲。」看來還有事業心的千語，林峯想結婚都要等吓先.METRO

[size=14.3999996185303px]撰文：羅婉玲

[size=14.3999996185303px]攝影：Daima

[size=14.3999996185303px]場地：新橋法式燒烤場