薛家燕擺和頭酒謝賢落閘

justgd9

【太陽報專訊】薛家燕日前主持電台節目時表示願意做「和事老」，出錢為「怒摑事件」鬧不和的謝賢與曾江擺和頭酒。記者聯絡事件主角謝賢，問到會否出席？當他聽到「和頭酒」三字即嬲爆說：「Short嘅！咪再問喇吓！」更怒Cut電話洩憤。
相反，胡楓與Joe Junior樂意出席，胡楓笑說：「咁又唔拘，我都想有餐飯食！邊個擺都唔緊要。」對於謝賢表示搞飯局但未成事，他笑說：「咪以為嗰晚冇咗我就冇飯局，我都有搞飯局，屋企都有飯開嘅。」而Joe則說：「有飯局當然會去啦！邊個搞都冇所謂，監製、公司都安排緊。」

justgd9

【on.cc東網專訊】 藝人薛家燕到電台主持節目，提到日前麥玲玲建議找她為「謝賢怒摑曾江」一事做和事老，薛家燕笑說：「點解搵我？應該搵陳寶珠同蕭芳芳。」她又謂與謝賢、曾江（Ken）及胡楓認識多年，雖然沒有與謝賢合作過，但仍與對方相熟：「好多人搵我請謝賢登台，當年佢又追過蕭芳芳，有時喺片場我哋會有啲嘢食吓。」
謝賢冇必要做宣傳
薛家燕亦坦然對事件感愕然，又謂不覺得是宣傳：「我覺得係真嘅，謝賢冇必要做宣傳，佢真係超嬲，冇見過佢咁。Ken（曾江）就鬼仔性格，講完就算，可能佢根本都唔知謝賢真係嬲佢，又唔知自己多口咗人哋個心唔舒服。」她認為胡楓在事件中最無辜，又透露自己當日有致電對方問候：「響咗好耐佢先聽，之後就話大件事，佢話都知有啲唔妥㗎喇，所以就住就住咁，希望冇事啦。」
「依家風頭火勢」
問到可會約他們食飯平息事件？薛家燕說：「一餐飯邊度得，依家都係等佢哋冷靜吓，搵邊個都冇興趣食，或者等我生日。（你三月生日？）要有個藉口嘅，要我請食飯有咩所謂。」她又謂大家在娛樂圈多年會有感情，雖然有小爭執，但大家都是為事件好：「都好嘅，謝賢咁提一提，Ken都會留意吓。（Ken哥腳有痛風？）應該係嘅，即刻搵醫生食藥可能止到痛，叫佢唔好食啲太有營養嘅嘢，食方面要小心。」她續說：「都未試過發生咁大件事，但我諗遲啲應該冇事嘅，依家風頭火勢，就唔好搞咁多嘢喇。」