慢慢失傳的「廣東話童謠」！

peterww

月光光，照地堂；年卅晚，摘檳榔；
檳榔香，嚼子薑；
子姜辣，買蒲達；
蒲達苦，買豬肚；
豬肚肥，買牛皮；
牛皮薄，買菱角；
菱角尖，買馬鞭；
馬鞭長，起屋樑；
屋樑高，買張刀；
刀切菜，買籮蓋；
籮蓋圓，買隻船；
船浸底，浸親兩個番鬼仔；
一個蒲頭，一個浸底；
一個摸茨菇，一個摸馬蹄。

peterww

點蟲蟲，蟲蟲飛，
飛到荔枝基；
荔枝熟，
摘滿屋；
屋滿紅，
伴住個細蚊公。

peterww

排排坐，食粉果；豬拉柴，狗透火；貓兒擔凳姑婆坐；坐埋一齊唱支歌。

peterww

凼凼轉，菊花園；炒米餅，糯米團；
亞媽佢叫我去睇龍船；
我唔睇，要去睇雞仔；
雞仔大，搦去賣；
賣咗幾文錢；
我買隻風車仔，
佢轉得好好睇，
睇佢凼凼轉啊菊花園，
睇佢凼凼轉啊凼凼轉啊轉。

peterww

ABCD，大頭綠衣；捉人唔到，吹BB。

落大雨，水浸街，亞哥擔柴上街賣，
亞嫂出街著花鞋，花鞋花襪花腰帶，珍珠蝴蝶兩邊排。

peterww

賣懶去，買精歸，賣左懶仔過新年，食過年飯好種田。

賣懶，賣懶，賣到年三十晚，人懶我唔懶。

peterww

細蚊仔，瀡滑梯，
因住跌落嚟；
咪學陳德貴，
成日流鼻涕，
跌親籮柚唔好睇。

河邊有隻羊，
羊邊有隻象，
象邊有隻馬騮仔，
好似你噉樣。

peterww

咬蔗須，要睇毛，
短毛輸，長毛贏，冇毛唔算數。

搣開柑，數柑核，
邊個核多就邊個贏，唔准手賴就縮骨。



拍大骳，唱山歌，人人話我冇老婆，
扚起心肝娶翻個，有錢娶個嬌嬌女，
冇錢娶個豆皮婆，豆皮婆，食飯食得多，
屙屎屙兩籮，屙尿沖大海，屙屁打銅鑼。

peterww

呈沉剪，呈沉包，呈沉糯米叉燒包。老鼠唔食香口膠，要食豆沙包。

點指兵兵，點指賊賊，點著誰人做大兵，點著誰人做大賊。

估手指，要估中，邊個唔中，就唔中用，褲浪底見個窿。

騎牛牛，牛牛走，牛牛響前咪回頭，若然回頭就打籮柚。

peterww

轆銅仙，打銅錢，全憑眼界手出變，叮響銅錢畀個仙。
打泥炮，泥炮響，
唔使摣槍上戰場。
折紙機，麻鷹飛，
飛嚟飛去唔落地。