欣宜：我有自己嘅光彩

yulun

【on.cc東網專訊】 歌手鄭欣宜到電台宣傳新歌《女神》，她表示歌曲希望將女神一詞重新定義：「每人天生出嚟都帶住后冠，着住最靚嘅禮服，所以唔可以咁易被其他聲音剝咗佢，就算我嘅身型、外貌符合唔到依家社會嘅標準，我都有『鄭欣宜』嘅光彩喺度！」她又指平日錄歌會套落自己身上，以第一身的方式去唱，這次卻是想着人生中兩個真女神好友去唱：「呢首歌好有鼓勵性，令我添加自信，但亦都令我覺得自己好渺小，我今次只係一個工具，受訪者唔應該係我。」

而欣宜表示通常歌曲先有曲再有詞，這次卻是黃偉文先寫好歌詞，再交由藍奕邦作曲：「我未試過一聽個Demo已經有成個MV喺我面前出現，所以我今次仲會首次執導MV，自己都有演，但佔好少。」又透露特別不請圈中人拍攝，反而請圈外的「真女神」參與演出：「因為想寫實啲，圈入面個個都係女神，意思冇咁出，拍嗰啲都係我朋友。（朋友上鏡會緊張？）一開始ok嘅，之後好緊張，因為我哋拍嘅地方好大陣仗，佢哋會問我究竟要做啲咩。」而欣宜表示看到MV的playback，已忍不住哭了數小時：「可能因為我同入面嘅演員真係朋友，見到佢哋對自己咁冇信心，我好肉赤，佢哋喺我心中好perfect，我覺得自己好殘忍。」

問到如何補償及答謝好友們？她指當日已請大家吃飯，更親手做小手工送給他們：「MV度會見到，我啲手工由細到大都好核突，對我嚟講係好大嘅挑戰嚟！」

yulun

yulun