中國聯通線上自助服務，其實都幾好用

东北小南方 · 發表於 2020-2-25 18:33:18

因為合約就嚟到期，聽講帶Number轉台優惠會多啲，所以呢排都搵緊轉邊間電訊公司好啲，不過呢兩個星期都係work from home，冇得落街問sales，只好上網格價。搵咗咁多，都係聯通線上自助服務嘅服務態度最好，最方面聯絡，而且可以上網申請轉台，就最終揀咗聯通Cuniq。

中國聯通線上自助服務，其實都幾好用 Phones 手機天下電腦

搵搵下搵到一個中國聯通好超值嘅plan，本地有10GB 流動數據，過咗10GB仲有限速嘅無限數據，唔會收錢，而且仲跟埋內地電話號碼，同埋500 MB內地數據。而家上網申請，仲豁免埋行政費，實收$80蚊，不過要加埋$9蚊流動服務牌照及行政費比政府，total $89蚊，真係$100蚊有找，啱晒我哋呢啲低用量同冇乜錢嘅用戶。

聯通呢個優惠真係吸引到香港客戶。因為要上網申請先可以豁免行政費，所以我就用返聯通嘅線上自助服務，申請帶Number轉台，都係用咗15分鐘填資料就搞掂咗，之後就免費快遞新嘅電話卡俾我，門都唔駛出，真係幾方便。中國聯通又慳咗人力物力，我又唔使去門市排隊，真係雙贏。

中國聯通線上自助服務，其實都幾好用 Phones 手機天下電腦

中國聯通喺大陸都好多人用，係香港應該都唔會差，佢地而家網站同埋手機Apps都可以用聯通線上自助服務，你可以24小時去自助完成你需要嘅手機服務，特別係呢個時期，非常適用。

中國聯通線上自助服務，其實都幾好用 Phones 手機天下電腦

因為我驚有時睇片10 GB爆咗上網會好慢，所以研究下點樣用呢個聯通線上自助服務買數據。$15/ 1GB，唔係特別貴，喺網站㩒幾下就搞掂，希望第日唔會成日買數據啦。至於俾錢可以用信用卡，亦都可以用香港支付寶交電話費，（大陸支付寶都得！）每個月儲返印花。

基本服務，例如查詢賬單，用咗幾多數據，增值繳費嗰啲，聯通線上自助服務都會有。最特別係佢哋撈過界，同一啲網店合作，可以買茶葉同埋紅酒，連士多都同佢地合作，提供折扣優惠，我都順便上去睇吓有冇廁紙賣。

中國聯通線上自助服務，其實都幾好用 Phones 手機天下電腦

用咗陣聯通線上自助服務之後，其實覺得佢哋嘅自助服務幾全面，而且仲同啲網購合作，甚至搵到士多比折扣，佢哋marketing team 都幾有心，希望佢哋繼續搵多啲優惠。同埋好多長者係跳過左電腦，直接學用手機上網，唔係下下識得login網站用聯通線上自助服務，所以佢地嘅手機Apps都方便咗好多年紀大嘅人。