爆笑!麻甩君如半裸做鴨

wind33

吳君如年初監製兼主演的賀歲片《金雞SSS》票房超過4,200萬，暫時穩守今年港片票房冠軍，君如乘勢追擊近日再下一城開拍賀歲片《12金鴨》，今次君如更變身金鴨扮男人，在首輯預告片中，與六位高大外籍猛男拍攝迎聖誕的預告片，君如面對六位露胸肌的男模，她亦不甘示弱，由迷惑的眼神，性感的喉核、鬚根、胸肌，一直掃落人魚線，又Man又爆笑。




上次君如在《金雞SSS》騷38G巨胸，由泰國一位特技師傅炮製，今次特技師傳再為君如炮製「人造皮肌肉」，令她騷出人魚線，拍攝當日君如穿上這片「人造皮肌肉」袒露胸肌在人前，她靦腆的說：「其實最初都有啲唔慣，感覺好似冇着衫一樣，有啲唔好意思，不過依塊人造肌肉同我人、皮合一，像真度好逼真。」君如還要加倍運動和節食，效果才不至太臃腫，要跟男模一樣只食雞肉和菜，Keep住超Slim身形。
導演鄒凱光在預告片中，還幽默玩鬥大，片中的一位黑人壯男如廁時，望見旁邊正解開褲錬的君如，即被嚇呆說：「嘩！有無咁『乸』勁呀？」君如即好得戚說：「未算，仲有更『乸』勁！」兩人的對話和互望眼神，連在場工作人員看見到都忍不住狂笑。
今次君如除了豁出去扮男人做鴨外，更碌盡人情咭，先有三色鴨姜皓文、劉浩龍和BabyJohn（蔡瀚億）客串，還有好友古天樂、黃偉文、周柏豪、薛凱琪、王菀之，甚至韓星客串，據了解《12金鴨》將會以IIB級上映，到時君如會否帶埋囡囡入場，她說：「套戲總之係老少咸宜。」