祖兒疑飛bra

astor

【爆相爆片】「容祖兒李克勤演唱會」前晚在紅館唱到第六場，有讀者透過本報「爆相爆片」分享祖兒與男dancers跳舞後，台上出現一個疑似胸圍的物體，之後被工作人員執走。有目擊觀眾接受本報訪問說：「當時得祖兒一個喺台上，佢行過之後就見到白色nu bra，睇size似係祖兒跌出嚟囉！」

昨祖兒睡醒後看到即時新聞嚇一跳，大爆開騷唔戴bra，力撐不是自己飛bra，她笑說：「嘩，究竟咩嚟㗎？其實我喺演唱會好少有戴bra習慣，因為換衫方便啲嘛，嗰part一定冇戴㖭，我明明係唱緊《飛花》嘛，點解無啦啦變咗飛bra，哈哈！嗰個疑似物體好似好大個，我邊有咁大呀？係人都知我乜料㗎啦。」
克勤幫祖兒解圍笑說：「會唔會係歌迷掉上嚟？或者最有可能係男dancer個護膝、腰封呀咁，因為嗰part要抬起祖兒凌空轉，佢哋要戴護膝。」