集體食炸雞 TVB被罰15萬

kdtiger

劇集加插植入式廣告愈來愈普遍，好似早前劇集《殭》中，刑活著居然喺古代食炸雞，及最近陳凱琳於廣告微電影《洗衣舖群星事件簿》化身外賣妹又係送炸雞，令人聯想到TVB疑似為某品牌炸雞賣廣告！

其實，TVB非首次加入疑似植入炸雞廣告，去年台慶頒獎禮請藝人食炸雞環節，畫面中清晰可見炸雞品牌，結果被通訊局罰款！

kdtiger

不過，今次食得雞多終遇「苦」喇！事關去年TVB於《萬千星輝頒獎典禮》中，加插請藝人食炸雞環節，通訊局之後接獲15宗投訴，直指該一分多鐘環節中，明顯或期間有中距離至特寫鏡頭，持續展示某炸雞連鎖店品牌標誌，令人覺得牽強，干擾觀賞趣味，加上主持兩次講出「食好嘢」讚美語句，明顯為贊助商產品作廣告宣傳，等同間接宣傳有關品牌！

通訊局指有關環節為吸引觀眾留意贊助商品牌標誌同產品，並無任何編輯需要，此舉嚴重違反《電視節目守則》及《電視廣告守則》中有關規管間接宣傳和產品／服務贊助嘅條文，並對TVB多次違反有關條文表示極度關注，已再三提醒TVB嚴禁間接宣傳，考慮上述情況同TVB多次違反後，決定就TVB違反《電視節目守則》及《電視廣告守則》中嘅相關條文，向TVB罰款15萬！

如欲率先接收資訊，請讚好我們的FB專頁並於「已讚好」選單設定「搶先看」，多謝支持。