阿叻:唔鍾意睇可以瞓覺。

火龍

阿叻被指講奧運講到賽馬咁，畀體育系教授批評唔尊重運動員，但阿叻一於少理，仲叫觀眾唔鍾意睇可以瞓覺。


阿叻回應批評話，佢只係服務觀眾，唔係服務專業人士。


哈，觀眾就冇資格聽專業評術？觀眾就要同你一般見識？


公道d講，阿叻缺專業體育知識，唔出奇，畢竟佢係藝人唔係體育業界人士，但係身為多屆大台奧運主持，可唔可以做吓功課先？再者，當有批評，可唔可以虛心D接受，而唔係叫觀眾瞓覺？咁不如是旦搵個人上去講啦，點解要睇你？


關於「點解要睇你」呢個問題，我自己都答唔到，因為我根本唔想睇你，只係我冇得揀，想睇奧運，就要睇獨家買咗直播權嘅大台。因為「冇揀得」，所以要睇，算唔算係答案？好無奈。


事實上，唔係只得阿叻一個講評術唔稱職，我睇跳遠資格賽，明明個選手第一跳已經達到資格，竟然有評術員問另一個評術員，「咁如果個運動員想跳埋第二同第三跳得唔得？」喂呀，呢個係資格賽呀！夠資格咪直入決賽囉。聽到呢d評術，我做觀眾會睇得好辛苦。


而阿叻呢種懶理批評嘅態度，亦唔係得佢一個有。大台就係深知得我獨家，所以理得你哋鬧。正如記者問大台高層，點解有三成港隊賽事冇播，高層話：「咁即係有播七成」一樣。點一樣？就係少理囉！真係少理。


唔止係奧運，膠劇、是旦新聞都一樣可見呢種態度，「觀眾一路鬧，咪又係一路睇！」呢個就係大台節目質素下降嘅原因。


我仍然冇忘記當日阿叻話如果台慶收視低過30點，佢會跪回家嘅事。今時今日，阿叻仲係奧運節目主持。潮文匯報

火龍

阿叻被指講奧運講到賽馬咁，畀體育系教授批評唔尊重運動員，但阿叻一於少理，仲叫觀眾唔鍾意睇可以瞓覺。

100kg

100kg

100kg

100kg

100kg

100kg

100kg