旅行5件事 證明你老了

forfree

每個人去旅行都有唔同嘅習慣，有啲人會鍾意有咁多地方去咁多地方，排滿晒成個行程，但有啲人就鍾意輕輕鬆鬆，就算係酒店就咁休息下都已經好開心，最緊要放返幾日假。不過根據非正式統計，人年紀越大嘅時候去旅行嘅行動力都係減低，就好似當你去旅行嘅時候如果發現呢五件事出現係你身上，就證明你開始老啦。

1.唔想衝行程

當你發現去旅行嘅時候唔會想再趕行程，只係舒舒服服度過，心態上會覺得玩得幾多都無所謂，情願去少幾個景點都唔想自己咁辛苦。

2.無法挨夜

從前夜晚唔過12點一定唔返酒店，有下場就係基本，依家唔好講話去蒲，就連普通食宵夜都怕飽到瞓唔到，早啲返酒店休息好過。

3.記性唔好

之前去過同一個國家，第二次要搵返同一間鋪頭一啲難度都冇。不過年紀大咗，唔好話搵個地方，記名都難，好似地名、店舖名定新識朋友叫咩名，都總係記唔到入腦。

forfree

4.好易肥
以前去旅行食極唔肥，見到啲咩想食鍾意食就隨心食，而家一個旅行隨時肥幾磅返嚟， 見到想食嘅嘢都會三思而後行。

5.無咁好力
以前去旅行無論係行街血拼定係行景點都好，行街行足一日都冇問題，依家行一兩個鐘就想坐低飲咖啡，行山行樓梯行幾步就喘氣。

10success

環境對靈魂的製約束縛，壓抑每積累；
旅行為遠離日常的巢臼，漂泊無盡頭.