同性戀怒吼爭取平權

mango

【太陽報專訊】【本報訊】「同性戀無罪」、「爭取同志婚姻合法化」、「我要平權」，一眾同性戀者不再逃避，昨七一上街怒吼爭取平權，要求政府訂立反歧視法。

「同性戀者喺香港嘅職場，受盡歧視！」彩虹行動成員Tommy仔表示，同性戀者備受歧視，情況十分普遍，有於保險業工作的朋友因被揭發是同性戀者，「結果成日畀人講閒話，叫佢唔好搞啲男同事」，最終因受壓力而辭職。

「喺紀律部隊做嘢嘅（同性戀者），面對問題特別嚴重，完全唔敢同人講。」他認為政府不訂立反歧視法，同性戀者被歧視的問題，將無法改善。

女同志被餐廳要求離開

於非牟利組織任職的楊小姐直斥政府遲遲未訂立反歧視法，令女同性戀者受盡歧視。楊表示曾與一班打扮較男性化的女同性戀者到餐廳用膳，期間更被要求離開，「經理同我講，先生，你哋係時候要離開喇，同埋以後都唔好再嚟。」後來，楊向餐廳投訴卻未被理會，楊直斥，「一日唔立法，一日就唔可以保障到我哋！」

「電視節目將同性戀者定型成乸形，令市民對同性戀者產生誤解。」歌手吳彤表示，加拿大對同性戀者的保障遠比本港好，自己回港發現本港電視節目經常將同性戀者錯誤定型，希望電視台可避免製作此類帶有歧視成分的節目。