應該係最抵用嘅中港澳月費計劃

东北小南方

本身工作關係，要經常香港澳門內地3地走，有時會喺澳門過去珠海。費事次次都買電話卡或者漫遊，所以之前喺某台join 左中港澳月費計劃，雖然要差唔多$300一個月，但係因為方便，唔使換卡就可以繼續上網同埋聽電話，所以都繼續用。最近差唔多約滿，所以打去問吓有咩續約優惠，點知同官方網站啲計劃一樣，咁續約都冇乜意思，於是上網搵吓其他有乜計劃。



真係好吸引我哋呢啲成日過澳門嘅人
睇咗香港幾間電訊公司，有啲直情冇中港澳月費計劃，有啲就價錢特別貴，後尾諗諗吓，因為目標係中港澳月費計劃，所以都係搵返中國電訊公司為主。香港都係得兩間中國電訊公司，咁啱見到中國聯通有轉台優惠，唔使行政費，亦唔使内地電話號碼月費。我比較左佢哋五個月費，最抵用應該係中間嗰大灣區中港澳月費計劃$148，本身5GB 數據，再送贈6GB 數據，夾埋有11GB，仲多過我以前啲數據，一定唔會爆。中國聯通都好大方，任何一個plan 香港通話都係無限分鐘，如果係內地接聽電話或者打返內地電話，就五毫子1分鐘。買數據我覺得有少少貴，如果爆咗數據要買，$30蚊 1GB，不過買返嚟啲數據都係中港澳共用，睇在呢一點算可以接受。



佢哋官方網站寫得好詳細，可以睇睇
https://www.cuniq.com/global/ser ... a-monthly-plan.html

跟住我就研究吓點樣可以轉台，因為最近大家都留家抗疫，可能我仲停留喺啲老人家思維，以為要走去門市先申請到轉台，好彩打去客戶服務熱線問，啲員工都好友善，提醒返我可以上網申請轉台。原來喺CUniq網站選擇月費計劃度，跟住佢哋step by step 咁做，好快搞掂。跟住等中國聯通速遞張新嘅電話卡同合約俾你簽，郵費包埋，非常方便！
上CUniq網上台/轉台，足不出戶就可以完成！

echo99

winwin99

有啲直情冇幸运飞艇直播，福彩双色球结果，幸运时时彩走势图中港澳月費計劃，有啲就價錢特別貴