愛情片 觀眾遇「雪崩」一身泡

delight

愛情片《一閃一閃亮星星》搞戲院飄雪效果出事 觀眾遇「雪崩」一身泡


內地睇戲多花臣，早排先有戲院推出一邊打邊爐一邊睇戲嘅玩法，而家又有新搞作。


內地愛情片《一閃一閃亮星星》近期上映，其中一個賣點係喺12月30日13點14分嘅「下雪場」場次，會配合劇情，喺尾聲出現飄雪效果（查實係細細粒嘅泡泡），成功製造話題，而「下雪場」嘅戲飛一早賣晒。

delight

真係好浪漫呀……本來。有網民喺小紅書分享，部份影院嘅飄雪效果操作不良，結果有觀眾一身都係泡，好似沖泡泡浴咁，仲形容人地「遇上雪崩」。

delight

《一閃一閃亮星星》本來係一套網劇，故事以三十歲女子林北星意外重返十八歲，本來想重考高考追夢，但因為一個叫張萬森嘅高材男生而打亂計劃。後來，張萬森意外身亡，林北星於是著手調查萬森死因，先發現當年素不相識嘅萬森原來對自己痴心一片。劇集版《一閃一閃亮星星》2022年推出時頗受歡迎，劇中張萬森為咗林北星而死，林北星一個人喺雪夜街頭講「張萬森，下雪了。你還好嗎，我好想你啊」，令唔少觀眾動容。片商見反應好於是開拍電影版，故事改為由高中時嘅張萬森角度出發，因為一場演唱會意外而令林北星遭遇不幸，今次到張萬森穿越時空回到出事前。落雪橋觀眾buy，宣傳公司於是以呢個綽頭搞「下雪場」吸客。

delight