男女廁所都入得，入得唔出得

bevy

點指兵兵，點着誰人做大兵，
男女廁所都入得，入得唔出得，出左就變骷髏骨，連呀媽都唔認得。

bevy

清明時節臭賓賓，路上行人臭到暈；借問廁所何處有，直行轉左再轉右。


今日天氣beautiful，阿媽帶我買apple，識咗兩個girl，生咗兩隻animal ，
阿媽話我乖乖，帶我去行街街，執到兩隻拖鞋，阿sir話要拉，點知跑得快，跑到加拿大，
識咗兩隻歌斯拉，同佢玩啤牌，輸咗唔憤氣，同佢鬥放屁。


.一落樓梯，二樓仆低，三個關斗，四肢殘廢，五個傷口，
六塊膠布，七孔流血，八時入院，九時死亡，十分精彩。


.氹氹轉，菊花園，炒米餅，糯米糍，阿媽帶我睇龍船，
我唔睇，睇雞仔，雞仔大，攞去賣，賣得幾多錢。

bevy

肥佬肥騰騰，買舊豬肉去拜神，行吓行吓屎忽痕，

bevy

抵死食雞髀，食完雞髀冇錢畀，俾人踢去油麻地，伊利沙伯唔醫你，阿媽為咗紀念你，
攞條底褲笠住你，阿爸為咗紀念你，攞住支槍隊住你。

.床前開賭檔，疑是十三張，舉頭飆冷汗，低頭輸清光。

積積復積積，唔識就唔識，測驗夠刺激，居然無題識，上堂聽唔識，搗亂多款式，自修一樣識，睬佢都生積。

話比老師知你搽胭脂，胭脂唔夠紅 去打乒乓，乒乓唔夠響 ,
我燒炮仗炮仗唔夠勁 去搵和尚，和尚唔知道 去搵師奶，師奶話我食提子，食完提子痾爛屎，痾完爛屎冇廁紙 ，唯有用手。

One two three four five，呀婆話我乖，帶我去行街，行到半路執隻爛水鞋 ,
呀蛇話要拉，好在走得快，唔係條褲都甩埋。

bevy

河邊有隻羊，河邊有隻象，河邊有仔馬騮仔，好似你咁樣~~hey。


星期四，玩遊戲，揸把關刀追豆皮，豆皮爬上樹，樹上有個梨，梨裏有粒核，
嚇到豆皮眼突突，返到屋企有條蟲，食包何濟公，唔使五分鐘，就立刻止痛。