女性婚外情個案愈來愈多

roaryou

屈偉豪指很多家庭破碎的個案，都是因為男方很多時候會出國公幹、應酬，尤其是在大陸，在回酒店途中會遇到不少女士埋身兜搭按摩服務，還會有女士扣門，要堅定把持不是易事！但屈偉豪指這個是個人價值問題，他指：「如果內裏係唔堅定，就算冇人嚟問，你返到上房都會身痕落返樓下搵，但如果堅定就算人在遠方，個心都唔會動搖啦！」
他以一個真人真事為例，「有個男士係做導遊，成日周圍飛，但佢個行李箱全部都係結婚相、小朋友相，一去到酒店房就布置到好似屋企客廳一樣，佢話因為已經少返屋企，想有個家嘅感覺，其實咁做已經係為自己設咗個防線，一個男人千祈唔好咁盲目去相信自己，反而應該提醒自己有個家庭。」
除了女士提防男士出軌外，他指男士們都不能掉以輕心，「因為過去幾年，我處理嘅女性婚外情個案愈來愈多，有啲辦公室男性嘅目標只係上牀，完咗就拜拜，太太隨時會遇到呢啲人，而且啲男人未達到目的之前會用盡任何方法，做好多嘢令你覺得佢好關懷你，而女士就以為用身體可以綁到個男人。」他表示「有咁耐風流，有咁耐折墮」，更謂：「做小三唔好以為有人追就好威！見過唔少後果好慘，而且我見好多因為父母出軌而家破人亡，佢哋嘅小朋友會復原得好慢，好多案例大個咗會有抑鬱症、焦慮症，所以任何關係都唔好過界就最健康。」Metro


《靜默的革命》
主持︰林以諾
播出時間：逢星期日晚上十一點半
至凌晨兩點
播放頻道：商業一台雷霆 881
嘉賓：屈偉豪