港股策略王

littleboy

港股策略王        


周顯

排名：2
資產值：$1,357,610
升35.76%
在這個組合之中,其實我挑中了不少好股票,例如說,昨天沽出的「富通科技」(465),以及昨天買進的「匯盈控股」(821)(圖)，以及前幾天買進的「華人策略」(8089)，都是我很喜歡的股票，奈何在先前,被黃嘉俊君用一隻「志道國際」(1220)拋甩了，至今仍然未能追上去，追到氣咳，看來要另想辦法，才可以有機會在這半個月的時間之內，反超前勝出。
其實，由於本人事忙，很多時候，我的專欄會在刊登前幾天寫好，然後像武俠片的錦囊，一個一個的順序打開，寫股票像我這樣的寫法，都算是荒唐了。
前交易日成交        無成交

沈振盈（沈大師）
排名：6
資產值：$938,880
跌6.11%
港股急跌後大幅反彈，恒指重上23,600之上，走勢不錯。前先跌主要是震倉而已，昨日主力由中資金融股帶動，特別是平保(2318)(圖)，股價一度升上70元。技術走勢分析，平保已出現突破，相信股價會朝着去年底高位76元進發。時日無多，相信已難再迎頭趕上，除非有奇迹出現。始終今次比賽以正股為主，沒有窩輪等如少了一件兵器，輸面較大。就以近期的市況來說，自己早前買入的平保窩輪，至昨日已升了五、六倍。「有信心未必會贏、冇信心一定會輸」，等多兩天會再將倉底貨大執位，博埋最後的十多日。
前交易日成交        無成交

徐燦傑（Prof. J）
排名：4
資產值：$966,500
跌3.35%
噚日恒指就升咗差唔多三百幾點，成交量又超過一千億！而我噚日早就決定重整咗個組合，留返香港電視（1311），協鑫（451），無表現送佢哋一程！加多咗日本概念股-----東瀛遊(6882)，差啲忘記通知您福方（885），魔幻股——香港電視公布咗收視率，每日平均有二十萬人睇，下載次數接近二百萬，繼續信王主席，魔幻傳奇大爆發，我繼續核心持有！而蜻蜓投資系統捉嘅協鑫，拆細咗之後，變咗細細粒，好易炒，升咗兩日，噚日回返少少，意念唔錯，東瀛遊上個星期五上市，今個星期大爆發，連升兩日，個走勢好唔錯，而福方噚日都又喺無乜消息之下升咗六個百分比，慢慢同您講古仔！病好咗，再砌過！繼續追蹤，出發！
前交易日成交        $1.235沽出20萬股協鑫新能源(2983)，買入86,000股東瀛遊(6882)，買入價$1.835 及 換入13萬股福方集團(885) ，買入價$1.480。

黃嘉俊
排名：1
資產值：$1,789,354
升78.94%
昨日志道（1220）迎來反彈，印證了小弟之前的看法，志道多日下探，乃是尋求支撐，從走勢上看，已經在1.2元水平獲得支撐，相信在這輪沽壓消化之後，將迎來強勢反彈。繼富通科技(465)(圖)之後，周才子捕捉到一隻匯盈控股(821)，又係漲勢驚人，不得不嘆服偶像的選股功力的確深厚，出手必中，不斷給對手增加心理壓力。最近大市走勢反覆，又加上臨近比賽終點，正是檢驗投資功力的時候，每位選手都會使出渾身解數，小弟亦要打起十二分精神，繼續尋找當炒熱股，力爭將優勢保持到最後。
前交易日成交        無成交

【火速隊】
排名：3
資產值：$968,146
跌3.19%
前天選了走勢較強的兗州煤(1171)博氣氛好轉，配合內地煤炭業又有稅制改革，或有機會大彈，可惜昨天仍然是升金融類別為主，皆因上證昨天升逾3%，收報2,764點，成交量逼近4,000億人民幣，非常暢旺。 今日打算買入一隻股壇老手都怕的股票，無限創意(8079)。這隻股票於2011年轉手後，至今股價跌幅九成幾，長揸的人早已死心了。值得留意的是，去年底無限創意宣布，一供十，供股價0.1元，已經沒有人問津。而大股東蕭若元就借此機會，大幅增持此股票，持股量從6%升至40%，後把部分股票售了予中國3D數碼(8078)。上兩個月又宣布，二供五，供股價0.08元，今日除淨，估計開市會於0.1元左右。基於街貨很少，博市場短炒一轉。
組合沽出2.5萬股兗州煤(1171)，全數換入無限創意(8079)，目標價每股0.28元沽出一半。
前交易日成交        買入64,000股兗州煤業股份（1171），買入價$6.565。

【贏盡隊】
排名：5
資產值：$963,574
跌3.64%
呢鋪贏盡隊都出事，我哋重倉嗰隻晶芯科技(8036)噚日急回，竟然回落至我哋嘅買入價水平，慘呀！高位冇食過，呢啲正式係叫做有食唔食罪大惡極！其實呢隻股我哋依然睇得好好，但奈何比賽得返唔夠一個月，時間唔等我哋，所以要變陣追一追，最關鍵連Prof J都變陣，我哋更加不能怠慢。
事實上，手上三隻股份本身質素唔差，尤其隻中建富通(138)嚴格來講行過一轉後又回到起步位，而且貼近最近一次嘅配股價，現水平十分安全，可以唔使走住，至於隻安利時作為全港最平嘅21章公司，又係可以唔使理。依家係得返隻晶芯個走勢較差，所以喺忍痛嘅情況下，唯有先打咗佢先，然後將所有資金不問價追入馬斯葛(136)。
前交易日成交        無成交

初始資金為100萬元港幣 METRO

losa

6/12/2014

周顯

排名：2
資產值：$1,288,510
升28.85%
等了很多天，無事可幹，今日終於有新的動作了，就是把手頭的「匯盈控股 」(821)完全沽清，把得回來的現金，全數買進新的股票「中國多金屬」(2133)，因篇幅有限，理由不述了。由於比賽已經到了尾聲，只剩下三個星期的時間，現在是決勝的時刻，所以必須打醒十二分精神，挑出最好的股票，才能夠一舉尅勝。願上帝保佑我，阿門。
前交易日成交        無成交

沈振盈（沈大師）
排名：5
資產值：$941,180
跌5.88%
大市升、股仔回，策略王各隊伍倉底皆縮水，勢估唔到贏盡隊會淪為包尾。始終此乃比賽，正如陳承龍所言，冠軍只有一個，到此階段已不能用常理去估計，大家都會大大注，博一注獨贏，風險自然很高，大家要跟的話千萬要小心。由於資金所餘無幾，此刻只有等運到，睇吓邊隻先升就獲利換入另一隻，加大注碼數量，等如是過關增大賠率。見到藍籌股不斷升，自己炒輪就倍倍聲，可惜不能用在比賽之中，否則，應可追到上第三位，現在則只有等運到。
前交易日成交        以開市平均價$0.24沽出全部20萬股中國國家產業文化（745），及買入50萬股中國星（326），買入價$0.138。

徐燦傑（Prof. J）
排名：6
資產值：$940,380
跌5.96%
噚日恒指表現唔錯，升咗四百幾點，成交量差唔多去到千二億！而蜻蜓投資系統捉嘅旅遊股東瀛遊上個星期五上市，今個星期大爆發，星期一、二出現大陽燭，唔覺唔覺連升三日，噚日就唞吓，回返少少，但個走勢幾好，核心持有，而福方早兩日升咗上去，噚日突然停咗牌，大家密切留意開市後走勢，最後兩個星期比賽，全力追，出發！
噚日恒指表現唔錯，升咗四百幾點，成交量差唔多去到千二億！而蜻蜓投資系統捉嘅旅遊股東瀛遊上個星期五上市，今個星期大爆發，星期一、二出現大陽燭，唔覺唔覺連升三日，噚日就唞吓，回返少少，但個走勢幾好，核心持有，而福方早兩日升咗上去，噚日突然停咗牌，大家密切留意開市後走勢，最後兩個星期比賽，全力追，出發！
前交易日成交        無成交

黃嘉俊
排名：1
資產值：$1,746,754
升74.68%
其實要贏都唔使太多股票，轉馬成本都唔低，重要嘅係隻隻都要贏盡，大師Peter Lynch（圖）講過，好嘅股票可以一升再升，但散戶嘅問題就係太早獲利離場，情況就好似呢隻協鑫新能源（2983），企穩之後又重新拾返動力。新絲綢之路戰略嘅確定，內地新能源迎來空前嘅發展機遇，企業不斷收購電廠，擴展版圖，雄心勃勃，資本市場上需要嘅係一個更大嘅平台，市值愈大，先可以注入更多優質資產，可以比較吓另一隻環保股中滔環保（1363），都係不斷咁收購，股價都升咗又升，走勢都幾相似，但光伏行業嘅門檻仲高於污水處理，核心競爭力都更加有優勢， 相信協鑫新能源以後升幅肯定更加勁。
前交易日成交        無成交

【火速隊】
排名：4
資產值：$968,310
跌3.17%
內地A股一日癲過一日，噚日連社科院都話，明年上證綜合指數或處於4,000點至5,000點水平，即係仲有四五成水位，內地股民聽到起勢去搶。有報道指，內地部分券商融資系統噚日早段出現「當機」情況，主要因為過多客人於相近時間進行融資交易。炒到炒爆機，真係好耐冇見過。
內地不斷傳出煤炭股利好消息，組合持有嘅兗州煤(1171)終於發力，單日升7.4%，我哋打算睇吓佢有冇力做到類似去年底嘅升勢，唔跌穿7元嘅話，會繼續持有。
另外隻無限創意(8079)的供股權於12月15日至17日掛牌進行交易，通常要炒嘅話，會喺依段時間前炒完，所以依隻股嘅持有限期係12月17日。
組合盡沽修身堂(8200)。
前交易日成交        無成交

【贏盡隊】
排名：3
資產值：$990,016
跌1%
好緊張呀！原來贏盡隊前日埋數係排第尾二，我哋落後唔緊要，最慘驚影響到個賽果，事關大會為增加緊張氣氛，安排咗競猜喺下周一誰是第一名，同第六名，估中兼被抽中嘅話，可以同我哋6個競賽單位一齊「擦」餐福臨門八頭半網鮑。事實上，我哋贏盡隊沿途都處於中游位置，突然咁樣墮後，感覺猶如墮馬，最慘驚連累周初已揀定邊個係第一同第六嘅讀者及聽眾。不過，都唔緊要，我哋經過噚日執一執倉後，好似有少少氣息，最主要換咗隻馬斯葛(136)，仲要係重鎚嗰隻。其實呢隻股都有可取之處，佢近期走勢好強，再睇完資料更覺佢好有potential。馬斯葛個office就喺馬寶道某一棟商業中心，而近期位於同一座大廈嘅上市公司好多隻已勁炒。好似漢基（00412）同民豐（00279）等。仲有隻福方(00885)今日更停埋牌，所以估計下一隻應是馬斯葛。
前交易日成交        沽出15萬股中建富通(138)，沽出價$0.935，

pionerla

       
            
港股策略王       


周顯

排名：2
資產值：$1,164,680
這一段期間的股市，是乍暖還寒時候，大家人都不知如何是好。但最有趣的，其實是星期二大跌的那一天，只要肯擺個牌出來買股票，都有很多的股民不問價地沽出，接貨接到手軟，結果我也買了不少貨，在星期三沽出了一部分
，無驚無險地賺了一筆快錢。但很可惜，在本欄並沒有甚麼好股票可買，只有chottr matte，等一等，希望下個星期會有奇迹出現，發掘到一隻可以快速上升一倍以上的優質股，才足以令我在這場比賽當中，平反敗局，但這當然是機會率很低的事。
前交易日成交        買進十萬股「威鋮國際」(1002)，買入價$0.56。

沈振盈（沈大師）
排名：4
資產值：$898,580
跌10.14%
真的爬到第四位，但並不是自己勁，而是別人差而已。市底頗差，投資者不宜大進取，玩模擬比賽是另一回事，跟真實的市場情況不同。正如陳承龍話齋，正常撈到貨，即和急升就一定食胡，起碼走一半，但在比賽中部並不可從。亦正如筆者專長窩輪，明明知道大市只升中資金融股，但始終大股難跟股仔鬥，就只有呆等。就以近兩周的升浪計，只用10%資金買平保輪，就算過唔到嘉俊，都可以超越周顯，在下的功力相信有不少讀者見過。昨日只中國星（326）稍有異動，希望可以行一轉上去，再轉去另一個博到尾。
前交易日成交        無成交

徐燦傑（Prof. J）
排名：5
資產值：$891,260
跌10.87%
兩地股市成交量無早幾日咁多，港股成交量得九百幾億，噚日恒指就跌返二百幾點！而蜻蜓投資系統捉嘅旅8325中國支付通，捕捉另一個藍海，噚日表現就一般般，高開低收，基本層面已經唔錯，等佢準備爆升！之前捉到嘅福方，已經停咗牌，似乎有大鑊嘢咁嘅感覺！到呢家做未復牌，大家密切留意之後嘅走勢，比賽仲有幾日，我一定會努力追，出發！
前交易日成交        無成交

黃嘉俊
排名：1
資產值：$1,476,154
升47.62%
呢一排國際油價跌得好犀利，淨係11月尾到依家就跌咗10美金，令大家省番唔少汽油費，照住呢個趨勢，其實都可以考慮炒下航空股嘅。講番比賽先，尋日大市跌咗一百幾點，只志道（1220）同協鑫（451）喺前日急升之後繼續企穩，相信在消化完上方沽壓之後，會再次開車。比賽到咗倒數第八日，見到各位高手紛紛下注，火速隊就睇好隻信達國際(111)，其實近期券商股的確有不少利好，板塊炒得火熱，不過隻股尋日就跌咗4.1%，加上內地監管部門傳出將要對行業進行檢查的消息，券商股會唔會由前一排的持續上升轉入一個調整期呢？
前交易日成交        無成交

【火速隊】
排名：3
資產值：$949,938
跌5.01%
上周內地市場成交金額以拋物線形態上升，有直接進入牛三之勢。至本周中證監不斷出手調控市場，避免券商及銀行繼續進取地支援客戶借「孖展」炒股，為金融市場帶來一段瘋狂炒作的財富轉移過程。因此估計內地A股應有一段時間回歸平靜。
比賽尚有9個交易日，加上臨近聖誕長假（圖），市場應難在這段日子，聚集足夠能量去炒作新主題，因此我地於最後一個交易日來臨前，都會繼續賣出其他股票，集中火力於信達國際(111)。
組合盡沽遠東國際(36)及同得仕(518)，換入信達國際(111)。
前交易日成交        組合首小時均價沽出72,000股遠東國際(36)及62,000股同得仕(518)，沽出價分別為$0.575及$1.100，首小時均價換入56,000股信達國際(111) ，買入價 $1.94。

【贏盡隊】
排名：6
資產值：$840,456
跌15.95%
不得不承認,贏盡隊今次的入市策略係有啲問題,尤其好多隻股份都錯失咗高位食糊嘅機會，不過，數基本面，幾隻股份都有隨時大爆升嘅條件，就以中建富通(138)為例，日前宣布,以每股0.015元減持旗下中建置地(261)最多6.5億股，應係揭開重組序幕。交易完成後，中建富通持中建置地的持股量由50.49%下降至40.55%。公司指，配售導致中建置地之帳目不再與餘下集團帳目綜合處理，避免受累於未來可能發生虧損綜合入帳風險。同時以大幅高於每股中建置地股份資產淨值的溢價配售價將部分中建置地投資變現，為集團帶來顯著收益。重要嘅係，截至今年6月底止，公司淨資產值約係20.9億元，再計及近日公司從配股所得資金後，最新總資產淨值增至21.6億元左右，公司最新年每股資產帳面淨值為2.6元。按最新市價計算，折讓高達逾50%，現水平係相當安全。
前交易日成交        無成交

pens

            
港股策略王       


周顯

排名：2
資產值：$1,164,680
這一段期間的股市，是乍暖還寒時候，大家人都不知如何是好。但最有趣的，其實是星期二大跌的那一天，只要肯擺個牌出來買股票，都有很多的股民不問價地沽出，接貨接到手軟，結果我也買了不少貨，在星期三沽出了一部分
，無驚無險地賺了一筆快錢。但很可惜，在本欄並沒有甚麼好股票可買，只有chottr matte，等一等，希望下個星期會有奇迹出現，發掘到一隻可以快速上升一倍以上的優質股，才足以令我在這場比賽當中，平反敗局，但這當然是機會率很低的事。
前交易日成交        買進十萬股「威鋮國際」(1002)，買入價$0.56。

沈振盈（沈大師）
排名：4
資產值：$898,580
跌10.14%
真的爬到第四位，但並不是自己勁，而是別人差而已。市底頗差，投資者不宜大進取，玩模擬比賽是另一回事，跟真實的市場情況不同。正如陳承龍話齋，正常撈到貨，即和急升就一定食胡，起碼走一半，但在比賽中部並不可從。亦正如筆者專長窩輪，明明知道大市只升中資金融股，但始終大股難跟股仔鬥，就只有呆等。就以近兩周的升浪計，只用10%資金買平保輪，就算過唔到嘉俊，都可以超越周顯，在下的功力相信有不少讀者見過。昨日只中國星（326）稍有異動，希望可以行一轉上去，再轉去另一個博到尾。
前交易日成交        無成交

徐燦傑（Prof. J）
排名：5
資產值：$891,260
跌10.87%
兩地股市成交量無早幾日咁多，港股成交量得九百幾億，噚日恒指就跌返二百幾點！而蜻蜓投資系統捉嘅旅8325中國支付通，捕捉另一個藍海，噚日表現就一般般，高開低收，基本層面已經唔錯，等佢準備爆升！之前捉到嘅福方，已經停咗牌，似乎有大鑊嘢咁嘅感覺！到呢家做未復牌，大家密切留意之後嘅走勢，比賽仲有幾日，我一定會努力追，出發！
前交易日成交        無成交

黃嘉俊
排名：1
資產值：$1,476,154
升47.62%
呢一排國際油價跌得好犀利，淨係11月尾到依家就跌咗10美金，令大家省番唔少汽油費，照住呢個趨勢，其實都可以考慮炒下航空股嘅。講番比賽先，尋日大市跌咗一百幾點，只志道（1220）同協鑫（451）喺前日急升之後繼續企穩，相信在消化完上方沽壓之後，會再次開車。比賽到咗倒數第八日，見到各位高手紛紛下注，火速隊就睇好隻信達國際(111)，其實近期券商股的確有不少利好，板塊炒得火熱，不過隻股尋日就跌咗4.1%，加上內地監管部門傳出將要對行業進行檢查的消息，券商股會唔會由前一排的持續上升轉入一個調整期呢？
前交易日成交        無成交

【火速隊】
排名：3
資產值：$949,938
跌5.01%
上周內地市場成交金額以拋物線形態上升，有直接進入牛三之勢。至本周中證監不斷出手調控市場，避免券商及銀行繼續進取地支援客戶借「孖展」炒股，為金融市場帶來一段瘋狂炒作的財富轉移過程。因此估計內地A股應有一段時間回歸平靜。
比賽尚有9個交易日，加上臨近聖誕長假（圖），市場應難在這段日子，聚集足夠能量去炒作新主題，因此我地於最後一個交易日來臨前，都會繼續賣出其他股票，集中火力於信達國際(111)。
組合盡沽遠東國際(36)及同得仕(518)，換入信達國際(111)。
前交易日成交        組合首小時均價沽出72,000股遠東國際(36)及62,000股同得仕(518)，沽出價分別為$0.575及$1.100，首小時均價換入56,000股信達國際(111) ，買入價 $1.94。

【贏盡隊】
排名：6
資產值：$840,456
跌15.95%
不得不承認,贏盡隊今次的入市策略係有啲問題,尤其好多隻股份都錯失咗高位食糊嘅機會，不過，數基本面，幾隻股份都有隨時大爆升嘅條件，就以中建富通(138)為例，日前宣布,以每股0.015元減持旗下中建置地(261)最多6.5億股，應係揭開重組序幕。交易完成後，中建富通持中建置地的持股量由50.49%下降至40.55%。公司指，配售導致中建置地之帳目不再與餘下集團帳目綜合處理，避免受累於未來可能發生虧損綜合入帳風險。同時以大幅高於每股中建置地股份資產淨值的溢價配售價將部分中建置地投資變現，為集團帶來顯著收益。重要嘅係，截至今年6月底止，公司淨資產值約係20.9億元，再計及近日公司從配股所得資金後，最新總資產淨值增至21.6億元左右，公司最新年每股資產帳面淨值為2.6元。按最新市價計算，折讓高達逾50%，現水平係相當安全。
前交易日成交        無成交



初始資金為100萬元港幣

funds8

恒指乾跌油股見底       


成交大減


受累歐美股市上周五急瀉，港股昨早大幅低開至22,977點，跌穿兩萬三水平，其後跌幅曾一度擴大至393點，午後A股轉跌為升，帶動恒指跌幅略為收窄，最終險守兩萬三關口，惟失守牛熊線，全日收報23,027點，跌221點，大市成交較上日大幅再縮減逾一成至686.2億元。
內地兩市低開高收，滬指升0.52%至2,953點；深指亦升0.4%至10,504點。至於港股通及滬股通額度仍然不活躍，全日只分別用去1.95億及10.68億元人民幣。
港股方面， 雖然油價大挫，但阿聯酋能源部長表示，即使油價跌至每桶40美元，石油輸出國組織亦不會減產，油價昨天於亞洲交易時段升逾1%。油股見底反彈，中石油(857)大漲2%、昆能(135)及中海油(883)升0.4%及0.8%。頁岩氣相關股如安東油田(3337)、百勤油服(2178)、中海油田(2883)及惠生工程(2238)等，升幅則介乎2.3%至7.5%。
藍籌股普遍偏軟，聯通(762)網絡分公司副總經理張智江涉嫌嚴重違紀被查，股價挫近4%，為表現最差者 ；重磅股中移動(941)及滙控(005)亦跌逾1.3%，近日大升的平保(2318)亦挫逾2%。
相反，國務院宣布在廣東、天津和福建設立自貿區，自貿區概念股卻借好消息出貨，天津港(3382)、廈門港務(3378)及中集集團(2039)等全部先升後挫，跌幅介乎3.7%至4.7%。此外，澳門中聯辦主任李剛表示要「再打造另一個澳門」，賭股全線向下，龍頭銀娛(027)及澳博(880)挫1.2%及2.1%，而永利澳門(1128)、新濠國際(200)及金沙中國(1928)則輕微走低0.1%至0.9%。

9hopeful

港股策略王       


周顯


排名：2
資產值：$1,086,240
升8.62%
今天是這個比賽的最後一天，除非是有奇迹的出現，否則應該是輸梗的了。到了這個地步，我只有兩個問題要問，第一個是問主辦單位，究竟會不會有第二回合的比賽呢？第二個則是問冠軍黃嘉俊﹕究竟你答應了勝出之後，請我去旅行，這一張支票，會否兌現呢？如果兌現的話，還有另外追加的問題，就是請去旅行，請去邊度、請一位定兩位先，坐乜嘢class機票、住乜嘢酒店，包唔包飲食先？你要知道，請周顯大師去旅行，好比帶女仔入HERMES鳩嗚，後果可以好嚴重！
前交易日成交        餘下的資金買入106萬股雅天妮(789），買入價$0.115。

沈振盈（沈大師）
排名：4
資產值：$832,980
跌16.70%
終於等到放長假，這兩天已沒有太大的炒股情緒。市況呆滯，基金都唔做嘢，昨日成交只得780億元，加上內地股市略作回吐，似乎在引人去沽貨。策略王結果已塵埃落定，黃嘉俊應可獨佔鰲頭，誠後生可畏。今次的比賽失敗，可能是最初階段過於淡定，到見到對手大幅拋離之後，便只有用極度進取的策略，因而招致慘敗。當然，未能用窩輪應戰也是輸的原因。
前交易日成交        無成交

徐燦傑（Prof. J）
排名：5
資產值：$831,760
跌16.82%
今日係平安夜，亦係比賽最後嘅一日，預祝各位聖誕快樂，而蜻蜓投資系統捉到嘅8325中國支付通，表現都一般！福方（885）都喺同日復埋牌，雖然表現麻麻，但低位有人陰啲陰啲賣番上去，呢隻股必有後着！但要等一等！完成咗比賽之後，大家繼續密切留意Prof. J之後只會喺《都市日報》逢星期一到五為大家一齊嘅追蹤，各位出發！
前交易日成交        無成交

黃嘉俊
排名：1
資產值：$1,245,754
升24.58%
策略王比賽即將劃上句號，今次有機會同各位前輩一齊參加這個比賽，真係感到非常榮幸。不過講真，在這個過程中我壓力唔小，尤其在開始嘅時候，作為一個道行尚淺嘅後輩，急於向偶像證明自己，太過在意盈虧，犯了炒股嘅大忌，蝕咗16%去到包尾都唔出奇，幸好及時調整心態，押中志道 (1220)和協鑫 (451)呢兩隻當炒股，得以後來居上，因此對我來講今次比賽嘅結果並唔重要，而係心態更加成熟。正所謂術業有專攻，眾位大師都有自己擅長嘅方向，而比賽係以短時間內嘅盈利為標準，不能以結果一概而論。相信各位高手都有所保留，小弟在這裏感謝各位前輩承讓，不過可惜兩個月時間太短，相信之後還有很多過招嘅機會。最後，感謝各位讀者一路以來嘅關注與支持，祝大家聖誕快樂，來年在股市賺多啲！
前交易日成交        無成交

【火速隊】
排名：3
資產值：$866,398
跌13.36%
話咁快，比賽就進入尾聲，隻同得仕(518）仲未成功沽晒，換入嘅信達國際(111）又未發力，剩返半個交易日，我哋火速隊已經做好心理準備，成為五個輸家之一。嚟到依個位係時候，講吓感受同回顧。首先當然要多謝一眾主辦單位，搵我哋參加依個比賽，令我哋有機會同多位大師級人物較量，從中學到好多嘢。另外比賽初段同中段，見到嘉俊爺段段快放，回報曾逾150%，一心豁出去買股仔同佢鬥過，點知立刻遇上市場「棄細炒大」，搞到隻同得仕，想走人都走唔到。提到同得仕，各位可以留意佢出售觀塘工廈交易，將於2015年1月12日或之前完成，到時應會出通告知會投資者，假如同時公布派特別息的話，短線仲有得博吓。
祝各位聖誕節快樂，買入嘅股票節節爆升！
前交易日成交        無成交

【贏盡隊】
排名：6
資產值：$780,642
跌21.94%
遊戲剩低半日市，憧憬倉內唯一的股票創維(751）可以喺半日內爆升50%反勝遊戲，似乎可能性甚微。贏盡隊成員李鴻彥星期一在《火速燈台》的節目講過，炒股票唔係賭錢，經常妄想一鋪翻身嗰啲叫賭仔，累積盈利鎖定利潤先叫投機。
成王敗寇，既然贏盡隊輸就要認，認的同時仲要檢討一下，等大家唔好重蹈覆轍。首先，我哋其中一個敗筆的地方係「有食唔食罪大惡極」，高位無好好把握升市帶來的利潤；其次，無趁市況逆轉跟勢炒大價股券商股；最後，唔夠鬥心，見第一同我哋之間的距離愈拉愈闊，最後連入市的次數都減少埋，似乎已打定輸數。
現實中投資者如果出現類似情況，應該先減持手上大部分股票，停一停清空一下思想再博過，一年200幾個交易日，唔會次次都贏嘅。
前交易日成交        無成交