《鸭王》何浩文直认装假狗

ginger

『人人叱咤』《鸭王》开镜 何浩文直认装假狗

鸭王」何浩文（Dominic）、袁嘉敏（Candy）、梁敏仪（Winnie）及何佩瑜（Jeana）等，今日出席电影《鸭王》拍摄，之前Candy话会有大胆演出，不过今日佢就只系以三点式示人，下身仲要加多条围巾，反而Dominic就半裸骚肌，身穿泳裤示人。

由於天气明显转凉，一班演员仍要泳装上阵，睇见到都觉得冻，至於Dominic下体就「激凸」，好似装假狗咁款，不过佢就直认真系装假狗，又话系角色需要喎！佢话：「系加咗嘢，戏名叫巨峰，不过系无提子嗰只，全世界系得我有，系好唔惯同好唔方便，0依家就咁企系度要擘大对脚，坐低又Kick住，去厕所又麻烦，以前系过一关，0依家要过几关。」

Dominic仲表示「巨雕」唔系想像中咁实用，佢话：「好局，所以准备爽身粉，呢个size比自己大太多，自己本身够用就OK，0依家分畀好多人用都得，就算发梦见到都惊。」

Dominic透露喺戏入面，会跟唔同年龄国籍嘅女士肉搏，佢话：「会同唐紫睿，又有鬼妹，上围丰满嘅，最特别系同阿婆，我都唔知几时开始胆生毛，一埋位就乱来，唔会尴尬。阿婆应该见惯世面，睇佢个样系专业演员。」

虽然试到唔同嘅女仕，Dominic心中最爱竟然系鲁芬BB，佢话：「自己本身想鲁芬BB拍，知道佢无拍好失望，佢系我女神。」