玄彬着姣爆花褲玩瑜伽

drgood

由玄彬同韓智敏主演嘅SBS新劇《Hyde Jekyll，我》今晚首播，呢部劇有好多劇迷都好期待，今日劇組就公開咗最新劇照來谷劇，當中係劇中飾演擁有雙重性格嘅富三代嘅玄彬，就着住條七彩花花褲，係公園內做瑜伽，仲做出金雞獨立嘅動作，好鬼搞笑。

當中有唔少網友對玄彬嘅衣着議論紛紛，仲話會超級期待佢係劇中唔同嘅造型，因為當年玄彬喺韓劇《秘密花園》中，就曾經着上閃閃運動外套而成功帶領潮流，仲令當時興起一股閃閃衫熱，至於今次呢條花花褲又會唔會成功成為潮流呢？

之後係另一組劇照中，玄彬又變身做超級暖男，戴上超可愛嘅眼鏡扮鬼扮馬，之後又見佢同韓智敏sweet爆咁瞓係地上，唔知劇情發展會係點呢。

此外，同玄彬新劇打對台、由池城同黃靜茵主演嘅MBC新劇《Kill Me Heal Me》，今日同樣公開新劇照，只見池城同黃靜茵坐係南瓜馬車內，上演一場浪漫嘅吻戲。據知這場戲係黃靜茵提議，當時黃靜茵見到馬車即對導演說：「如果係呢度拍，應該會很有趣吧。」  

apple