梅媽激氣：我要踎街啦

letwin

欠租半年執達吏收樓 梅媽激氣入院：我要踎街啦       

已故樂壇天后梅艷芳的母親覃美金（梅媽），其租住的跑馬地單位，因欠租達六個月，被業主申請收樓令，昨早執達主任聯同律師上門向梅媽收樓，最初梅媽不肯離去，其後梅媽更激動至入院留醫。她向本報激動說：「我要踎街啦，依家我好唔舒服，唔講啦。」隨即掛線。

梅媽於12年被法庭頒令破產，法官早已要求梅媽每月租金限於2萬元，但她沒有理會，去年搬入跑馬地一個租金達43,000元的單位，而梅媽過去半年都沒有交租，業主早前成功申請收樓令。
昨早執達主任連同律師上門收樓，但梅媽一度不肯離去，更揚言：「我死我都坐喺度唔會走！」梅媽指曾要求業主代表律師給她數日時間來收拾物品，但對方不接受建議。其後執達主任派出保安協助清場並報警，其間梅媽在屋內情緒激動，坐在牀邊不肯起來，警員怕梅媽不適召救護員到場，最後由救護員說服，在傭人陪同下乘的士往醫院，由於其主診醫生不在港，梅媽主動要求留院休息。

letwin

昨午本報致電梅媽時，她已入住聖保祿醫院留院，她語帶激氣的說：「係都要我今日出嚟，啲狗仲喺屋企，只可以返去餵狗，滙豐（滙豐國際信託）嗰邊又唔同我交租，我要踎街啦，依家我好唔舒服，唔講啦。」
每日可返舊居一次餵狗
本報致電梅媽大仔梅啟明，他表示梅媽昨早因為太激氣，所以入院，他說：「阿媽一向心臟都有問題，所以入院。（之後梅媽會住喺邊？）其實我之前同業主個律師傾過，叫佢哋畀多十日、八日，我哋搵緊地方，搵唔到屋都會將啲嘢放入倉，交番個場畀佢，之前阿媽掛住照顧細佬（梅德明），依家細佬走咗，阿媽好傷心，個業主好冷血，咁樣逼佢走冇意思。」
至於梅媽入住私家醫院的醫藥費可有擔心？梅啟明表示：「呢方面唔擔心，因為滙豐（滙豐國際信託）一定要找數，多年來阿媽入院睇醫生嘅醫療費都係嗰邊找數。」往後梅媽會何去何從？梅啟明表示正在銅鑼灣區物色新居，而在業主未有正式的限期前，業主限梅媽每日只可回舊居一次餵狗。