女人心事 張艾嘉 李心潔

asara

張艾嘉今次執導新片《念念》，是她跟徒弟李心潔第三度合作，心潔形容跟張姐，如老師和學生的關係，今次合作猶如她的大學畢業作。


細味人生，李心潔由張艾嘉帶領入行，由歌手到演員，由少女成為少婦，更當上了母親，在《念念》中心潔演繹「母親的抉擇」，但過去20年她在演藝圈的磨練，總不及發生在她身上的經歷來得徹底，心潔自言以前很天真，很想捉住天真的想法，但好事多磨，不得不接受事實，作為一個創作者和演員，她很豁達的說：「有時有依啲經歷都係好嘅。」

撰文：羅婉玲 攝影：Eddy
化妝：淑貞 （張艾嘉、李心潔）
髮型：Domanic@Pi4（李心潔）、Ben（張艾嘉）
服裝：agnes b（李心潔） 形象：Kary Kwok（李心潔）
場地：九龍香格里拉大酒店

張艾嘉執導的新作《念念》，是改編自真人真事，張姐透露：「其實呢個故仔係一個日本男仔嘅故事，係講佢對父母親思念嘅情懷，只係我將佢嘅故事作為藍本，變成咗電影。」張姐坦言父母同子女之間的心結，對彼此之間都有影響，解開心結，其實也不是難事。

師徒之作
而今次是張姐跟李心潔第三次合作，心潔形容拍《想飛》時是她初入行如小學生般，拍《20 30 40》是她的中學階段，事隔10年再跟張姐合作《念念》猶如她的大學畢業，心潔說：「以前同張姐合作會好緊張，有時自己好用力去演，總是有道屏障，突破唔到自己，開始對自己有疑問，張姐叫我唔好諗太多交畀佢。」
心潔在2010年結婚，才爆出老公彭順已有一名女兒，多年來由心潔照顧，故心潔說自己當了媽媽後，演這個媽媽角色更有體會，她說：「我睇完自己喊到呢，做咗媽媽好多年除咗湊女，仲湊埋我兩個姪仔，湊住三個小朋友，睇唔到自己，睇番套戲見到自己個媽咪樣，有好多回憶，好感動。」

asara

當上媽媽
談到兩代情，張姐和心潔同樣是媽媽又是女兒，有何反思？張姐說：「兩邊都要了解，將自己擺唔同位置，唔好淨係企番自己嘅角度，有時轉一轉佢嘅角度，冷靜吓點樣同佢對話。」至於心潔則說：「因為自己做咗媽媽，更加明白同包容自己父母，因為佢哋係你出世第一個認識嘅男人同女人，所以對你會影響好大，當父母必須要有責任感。」
在戲中心潔有一對子女，經常跟他們說故事，她感恩自己當上媽媽，演時張姐叫她自然地演，不用作太多準備，她說：「真係唔使點準備，當時拍第一場戲係講我難產，自己瞓上張牀，成個人感覺就嚟，如果十年前我就做唔到，依家演呢個角色係好時機。」
至於另一場較震撼的戲，就是BB出生的畫面，張姐說：「我哋一早搵咗位孕婦，因為佢係護士，比較明白同埋肯幫我哋，咁啱我哋首日開鏡，佢就嗰日生，其實嗰段戲想講一個小生命在水中孕育，終於脫離母體，踏入人生第一步。」

兩代之間
問到張姐與24歲的兒子王令塵的相處，張姐說：「佢有咁大個會有自己嘅想法，其實當小朋友出世，佢就係一個個體，只係大人放唔放手，到咗某個時候，等佢自己出去找下方向，大人只可以從旁去關心佢。」至於心潔跟女兒的相處，她說：「佢2歲我就認識佢，5歲就帶喺我身邊，佢好黐我，我好外向佢就好內向，雖然性格唔同，我會喺佢唔同年紀，去調節自己同佢溝通。」
心潔很樂於分享她的母女情，更憶述有次女兒令她一度難受，「佢好鍾意跟我去我嘅朋友聚會，有一次我同朋友食飯，佢同我講嘢，可能我好隨便咁應佢，點知佢好直接咁話我，『你都冇聽我講嘢啦！』當時我啲朋友喺度，大家都好愕然，我有少少難受，之後我同佢講可能自己冇注意到，但係我好開心佢肯講出自己感受，我叫佢有乜嘢直接同媽咪講。」
問心潔會否考慮生BB？她坦言：「我會努力，以前湊住個女，佢仲細，我唔生怕自己兼顧唔到，依家佢大咗，我會嘗試吓，但係即使冇我亦唔會遺憾，可能係上天嘅旨意。」

老公似仔
心潔在戲中演的媽媽，為了不想埋沒女兒的天分，帶住女兒離家出走，回到現實心潔會不會這樣做，她說：「我如果要走，一定會帶埋哥哥同個女走，因為我咩人都可以放下，但小朋友就唔得，雖然個女唔係我親生，但係我已經當佢係我嘅全部，所以家庭上有乜嘢事發生，我第一個會顧佢先。（咁老公呢？）老公我都唔會理佢，一定係保護咗個女先。」
心潔自言以前很天真，想捉住天真的想法，但有時不得不接受事實，作為一個創作者和演員，她直言：「有時有依啲經歷都係好嘅。」去年老公彭順被揭搭上小三李悅彤(Liddy)，兩人的婚姻被受考驗，現在雨過天青，心潔也很豁達談及感受，她平淡的說：「當然有辛苦嘅時候，我同老公都要去面對自己，兩個人一齊咁耐，已經係家人，甚至覺得佢似我個仔多啲。（還信任他嗎？）我覺得佢會用行動去證明畀我睇，佢做錯事去認錯，我同佢份愛仲好深刻，離開唔到對方，可能其他人未必會明白，我哋會為自己去努力，希望呢個只係一個過程。」

rickon

童年
張艾嘉
池塘边的榕树上
知了在声声地叫着夏天
操场边的秋千上
只有蝴蝶停在上面
黑板上老师的粉笔
还在拼命唧唧喳喳写个不停
等待着下课
等待着放学
等待游戏的童年
福利社里面什么都有
就是口袋里没有半毛钱
诸葛四郎和魔鬼党
到底谁抢到那支宝剑
隔壁班的那个男孩
怎么还没经过我的窗前
嘴里的零食
手里的漫画
心里初恋的童年
总是要等到睡觉前
才知道功课只做了一点点
总是要等到考试以后
才知道该念的书还没有念
一寸光阴一寸金
老师说过寸金难买寸光阴
一天又一天 一年又一年
迷迷糊糊的童年
没有人知道为什么
太阳总下到山的那一边
没有人能够告诉我
山里面有没有住着神仙
多少的日子里总是…