凶宅係基督徒之選？

suma

13萬人瘋狂入表搶購新居屋、為咗有瓦遮頭連廁所劏房都搶住租，甚至連荃灣一個400幾萬嘅單位，地產經紀都可以叫做「窮人恩物」，就知香港樓價有幾癲！近日再有地產經理出招，新港城一個實用面積338平方呎嘅單位，賣成420萬，但地產代理喺銷售單張大大隻字話「筍」，仲有一句說話好特別，講明喺「基督徒之選」。

費清呢啲買唔起樓嘅蟻民，見到420萬都叫筍，簡直覺得好心傷。不過點解層樓喺基督徒之選呢？唔通嗰業主係虔誠基督徒，教友買樓有折扣？

費清梗係拿拿臨問吓個地產經紀，地產經紀就話個單位係新港城G座一個中層兩房單位，租客啱啱搬走，仲好坦白話喺凶宅，因為之前有租客係呢嗰單位跳樓身亡。聽到呢到，大家明晒啦！費清仲聽聞，業主唔想將單位出租，想快啲甩手，所以平市價少少放售喎！

suma

不過，睇番同屋苑樓價，實用面積平均呎價要12,741蚊，呢個凶宅單位呎價都要12,426蚊，真喺平咗少少囉。若要上車，大家可以考慮吓，老土啲講句「平生不作虧心事，半夜敲門也不驚」，人不犯我，我不犯人，就鬼都唔怕啦！不過業主叫價其實都唔喺比市價平得幾多，值唔值得博，大家自己諗吓啦。

piger

曾經有個洋人不信邪，平租了兇宅，一個月後終於要點搬出.