客家情歌:

Betty

1．阿妹生來確實靚，髻尾梳來搭衫領。阿哥看到心火起，生理唔做田唔耕。

2．日頭照眼看唔真，對面阿妹是乜人。有情阿妹過來料，無情阿妹莫轉身。

3．山歌唔唱唔風流，豬肉唔煎唔出油。梧桐落葉心唔死，無同妹料心唔休。

4．東邊落雨西邊晴，新做田唇唔敢行。燈心造橋唔敢過，心肝想妹唔敢聲。

5．阿妹愛連就來連，莫嫌阿哥是耕田。年終一收萬使萬，盡在阿妹拿唔完。

6．講起愛連就愛連，人無兩世在陽間。人無兩世在陽間，花無百日在高山。

7．今唔風流等幾時，莫在陽間鬱死哩。陽間還是過日子，陰間正是老住居。

8．七合八合哈上升，三番四番唔成親。阿哥姻緣無我份，燈心織布枉費神。

9．新打戒指紅紙包，上晝打來下晝交。同妹交情發過誓，先講斷情雷火燒。

10．阿哥有心妹有心，鐵杵磨成繡花針。阿哥是針妹是線，針行三步線來尋。