胡楓飛甩眼鏡要賠

ranena

胡楓飛甩眼鏡要賠

【太陽報專訊】胡楓昨日在記者會夾正中間，謝賢向曾江動粗時，殃及池魚的他令眼鏡都被整飛，事後他說：「佢哋平時不知幾好傾，最多嘢傾係佢哋，不時飲住酒傾。（係咪有心結？）唔知，但搵着我嚟搞，打我唔緊要，唔好打我副眼鏡嘛！」問到會否致電謝賢，他說：「叫佢賠（眼鏡），等佢下咗啖火先啦！」其後，記者再致電胡楓，他笑言老婆知道都感肉赤，又表示曾江與謝賢拍攝時非常好傾：「可能就係傾出火花嚟！」其後又說：「呢啲係宣傳嚟！（咁你啲戲幾渣喎！）我啲戲渣，我做咗戲幾十年，之後仲有宣傳，下次等我郁手打阿Joe（Joe Junior）！」

ranena

9歲生日的謝賢（四哥），最近與曾江為無綫拍攝真人騷節目《四個小生去旅行》積下心結，昨日在記者會爆粗狂數曾江不是，不單懷疑曾江詐病坐輪椅，最不滿前日錄音時被曾江嫌他口齒不清阻住收工，四哥終於忍無可忍出手怒摑曾江，又送了6個「X你老X」給曾江，場面混亂又尷尬。文、圖：娛樂組
　　四哥、曾江、胡楓（修哥）及Joe Junior，昨日出席《四個小生去旅行》記者會，無綫安排俄羅斯舞蹈員與四個小生在台上跳舞，四哥跳到一半已經無癮先落台。其後三個小生推蛋糕出來，為四哥補祝生日，修哥祝四哥有心有力。接着四個小生坐埋一齊接受訪問，四哥黑面拒受訪，並謂：「你哋三個講開心嘢，今日要講，有好多唔好嘢。」
　　由於有無綫高層在場，四哥堅持等高層先行離開，才肯開聲大吐不快：「原本四個小生去旅行是開心事，但其中有個小生跛咗，你哋知道邊個？跛咗都唔緊要，可以照顧佢，估唔到開工兩、三日就要坐輪椅，由頭坐到尾，感覺佢有啲玩弄我哋。」
　　修哥慘被誤中副車
　　四哥看到報道指曾江鼻血流了4小時，他質問：「流4個鐘你仲唔死？要成班人幫你推輪椅。」曾江解釋自己也不想，打針後15分鐘才止血，現時仍然跛吓跛吓。四哥說：「我知你唔係，我知你好活躍，唔好喺我面前玩嘢！」此時四哥突然彈起身，動手掌摑曾江，但修哥坐在二人中間，不幸中招被打甩眼鏡，修哥叫了一聲：「哎呀！」
　　其實四哥最嬲是前日為節目錄音，由於他有段時間沒錄音，所以說話不太暢順，卻聽到想早點回家的曾江埋怨被他阻住收工。四哥還表示在現場聽到曾江用粗口「問候」，又不耐煩地在後面行來行去，最後被導演叫他坐下，因為錄音不能有步行聲。此時曾江說：「有地氈?，老四。」四哥大聲說：「有地氈都唔應該行，昨日（時前日）已經想打你，?無綫先唔打你。」曾江：「?呢度打我？」四哥：「?邊度都打到你。」曾江說：「有咩問題啫呀，打我……」四哥：「我，你都敢搞！」曾江說：「你使唔使咁衝動？」
　　修哥連忙在旁勸交，四哥表示拍攝時沒有講出來，其實現場要成隊人照顧曾江，他激動地對曾江說：「你以後唔好見到我。」說罷便轉頭行出門口。曾江則嬉皮笑臉地說：「咁點啫！唔好咪唔好囉，有咩要咁衝動啫！」四哥行了幾步突然轉身指着曾江說：「我要你知，唔係個個都俾你恰！」
　　四哥：唔打佢唔心息
　　事後問曾江是否跟四哥有誤會？他說：「我哋誤會咗好多?啦！大家有時會衝動，但一個人幾時唔開心，我唔知道。（是否在錄音室埋怨四哥阻住收工？）我哋幾個以往都會你窒我、我窒你，這樣才過癮，唔窒有咩意思？唔窒無真嘢。」問到會否主動打電話安撫四哥？他表示不會，亦覺得沒此需要。至於他可有嬲？曾江反問：「你睇我個樣有無嬲。（你個心呢？）我做人感覺永遠放在外面，不會作假。（影響朋友關係？）對住佢當然是無問題，問題關鍵不在我。」
　　曾江坦言過去數十年一定有拗撬，但郁手也是第一次，直指四哥今次衝動一點。對於四哥指他詐病，曾江笑笑口謂：「我都想，病好過癮咩？流血4個鐘不是作出來的，有醫生紙證明。」
　　記者事後致電謝賢，問到是否嬲到要出手？他謂：「唔嬲就唔會咁！（誤打中胡楓？）揩到佢啫！我打阿Ken（曾江），唔打佢唔心息，我最唔鍾意啲人認叻。（唔跟佢做朋友？）唔係唔鍾意做朋友，都唔係嗰種人。」
　　無綫否認是宣傳橋
　　今次四哥爆粗動手摑曾江事件，有人懷疑會否是無綫度出來的宣傳橋，無綫外事部副總監曾醒明澄清：「鄭重澄清，宣傳只會集中在節目上，不會用這種手法，也不是無綫的作風。況且四哥及曾江在圈中很有江湖地位，即使是宣傳橋也未必肯配合。今次事出突然，包括監製也不知發生何事。事後四哥拂袖而去，監製未能聯絡上四哥，但會繼續與四哥聯絡，希望了解不快事件，並盡力修補大家的誤解，不希望因拍特輯而影響他們多年來的交情。」
　　另外，監製蘇敏儀被問及是否宣傳伎倆？她表示：「點會呢？一定不是宣傳，本身個節目的宣傳已經好夠，坊間好多人想睇。」她承認事後見到曾江及胡楓笑騎騎沒事，所以不覺得事件好嚴重，按宣傳計畫不會再有記者會。

ranena